ހުޅުމާލެ ދެވަނަ ފިޔަވަހިން ކުޑަކުއްޖަކު ގެއްލިގެން ހޯދަމުންދިޔަ ކުޑަކުއްޖާ ފެނިފައިވާ ކަމަށް ފުލުހުން ވިދާޅުވެއްޖެއެވެ.

ފުލުހުން ވިދާޅުވީ، އުމުރުން 14 އަހަރުގެ ރ.ދުވާފަރު، ސިކްސް ސެންސް ޝިބާ ރަޝީދު ގެއްލިގެން ރިޕޯޓުކުރި ކަމަށެވެ. އެގޮތުން އެކުއްޖާ މިމަހުގެ 28 ވަނަ ދުވަހުގެ ފަތިހު 05:55 ގައި ގެއިން ނުކުމެގެން ދިޔަގޮތަށް ވީނުވީއެއް ނޭނގި ގެއްލިފައިވާކަމަށް ޢާއިލާއިން ރިޕޯޓުކޮށްފައިވާކަމަށް ފުލުހުން ވިދާޅުވިއެވެ.

ހަމައެދުވަހު އެކުއްޖާ ގެއްލިގެން ޢާއިލާއިން ރިޕޯޓުކުރުމާއި ގުޅިގެން ފުލުހުންގެ އެކި ބަހާތައް ގުޅިގެން ކުއްޖާ ހޯދުމުގެ މަސައްކަތް ފެށިއެވެ.

މިއަދު އެކަން އާންމުކޮށް އިއުލާން ކުރިފަހުން ކުއްޖާ މިރޭގެ ވަގުތެއްގައި އަމިއްލައަށް ގެއަށް އައިސްފައިވާކަމުގެ މައުލޫމާތު ލިބިފައިވާ ކަމަށް ފުލުހުން ވިދާޅުވިއެވެ.