26 އޮކްޓޯބަރ 2021 - 14:45
ކުޑަކުއްޖަކާ ބަދުއަހުލާގީ އަމަލެއް ހިންގި ކަމުގެ ތުހުމަތުގައި ބިދޭސީއަކު ހޯދަން ފޮޓޯ އާންމުކޮށްފި އެވެ.
ފުލުހުން ހޯދަން އާންމުކޮށްފައި ވަނީ ބަންގްލަދޭޝްގެ 36 އަހަރުގެ އިބްރާހީމް މުހައްމަދު އެވެ.
ފުލުހުން ބުނީ އޭނާ ހޯދަނީ ރ. އުނގޫފާރު ޕޮލިސް ސްޓޭޝަނުން ތަހުގީގު ކުރަމުންދާ، ކުޑަކުއްޖަކާ ބަދުއަހުލާގީ އަމަލެއް ހިންގިކަމަށް ތުހުމަތު ކުރެވޭ މައްސަލައެއްގައި ކަމަށެވެ.
ފުލުހުން ބުނި ގޮތުގައި އެ މީހާ އަކީ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދުކުރެވިފައިނުވާ މީހެކެވެ.
އެހެންވެ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ ދަށުން ތަހުގީގަށް ހާޒިރުވުމަށް އަންގައި އިއުލާންކުރީ އެވެ.
އެ މައްސަލައިގެ ތަހުގީގުގައި ސުވާލުކުރުމަށް އަންނަ މަހުގެ 15 ވަނަ ދުވަހުގެ 10:00 އަށް އޭނާ އުނގޫފާރު ޕޮލިސް ސްޓޭޝަނަށް ހާޒިރުވުމަށް ފުލުހުން ވަނީ އަންގައިފަ އެވެ.