18 ސެޕްޓެމްބަރ 2021 - 23:38
މެންޗެސްޓާ (ސެޕްޓެމްބަރު 18) - އިންގްލިޝް ޕްރިމިއަ ލީގުގައި މެންޗެސްޓާ ސިޓީ، ސައުތުހެމްޓަންއާ ދެކޮޅަށް ކުޅުނު މެޗުގައި ސިތީގެ ޑިފެންޑަރު ކައިލް ވޯކާ އަށް ރަތް ކާޑު ދެއްކިނަމަވެސް، ރެފްރީ ނިންމުން ބަދަލު ކުރުމުން ދަނޑަށް ނުކުމެ މެޗު ފުރިހަމަ ކޮށްފި އެވެ.
މެޗުގެ ދެ ވަނަ ހާފުގައި، ސިޓީގެ އޭރިއާގެ ތެރެއިން ސައުތުހެމްޓަންގެ އެޑަމް އާމްސްޓްރޯންގަށް ވޯކާ ކުރި ޗެލެންޖުގައި އެޑަމް އޭރިއާ ތެރެއަށް ވެއްޓުނެވެ. މެޗުގެ ރެފްރީ ޖޮނަތަން މޯސް ދެއްކީ ސައުތުހެމްޓަން އަށް ޕެނަލްޓީއެއް ކަމަށެވެ. އެއާ އެކު ވޯކާ އަށް ރަތް ކާޑު ދެއްކި އެވެ.
އެކަމަކު ސައުތުހެމްޓަން އަށް ޕެނަލްޓީއެއް ލިބި އަދި އިދިކޮޅު ޓީމުގެ ކުޅުންތެރިޔަކު މަދުވުމުގެ ހިތްހަމަޖެހުން ދެމި އޮތީ ހިނދުކޮޅަކަށެވެ. ވީއޭއާރް ޓީމުން ރެފްރީ ޖޮނަތަން އަށް އެންގީ ނިންމުން ރިވިއު ކުރުމަށެވެ. ނިންމުން އައީ ޕެނަލްޓީއެއް ނޫން ކަމަށާއި ވޯކާއަށް ދެއްކި ރަތްކާޑު ވެސް ސައްހަ ނޫން ކަމަށެވެ.
ނާދިރު މި ހާލަތަށް ފަހު ވޯކާ އަލުން ދަނޑަށް ނުކުމެ މެޗު ފުރިހަމަކުރި އެވެ.
ވީއޭއާރުން ހުއްޓުވީ ސައުތުހެމްޓަންގެ ޕެނަލްޓީ އެކަންޏެއް ނޫނެވެ. ފިލް ފޯޑެން ސިޓީ އަށް ޖަހައިދިން ލަނޑު ވެސް ހުއްޓުވި އެވެ. މެޗު ލަނޑެއް ނުޖެހި އެއްވަރުވުމުން ޗެމްޕިއަން ފުއްދާލަން ޖެހުނީ ޕޮއިންޓަކުންނެވެ.