11 ސެޕްޓެމްބަރ 2021 - 22:14
ހެންވޭރުގެ ބައެއް ގެތަކުން މިރޭ ހަ ގަޑިއިރަށް ފެން ކަނޑޭނެ ކަމަށް އެމްޑަބްލިއުއެސްސީން ބުނެފި އެވެ.
އެ ކުންފުނިން ކުރި އިއުލާނެއްގައި ބުނީ، ފެން ކަނޑާލަން ނިންމީ ސިޓީ ކައުންސިލުން ހިންގާ "ސްޓްރީޓް ސްކޭޕިން" ޕްރޮޖެކްޓުގެ ދަށުން މިހާރު މަސައްކަތް ކުރަމުންދާ ސަރަހައްދުގެ ގެތަކުން ކަމަށެވެ. އެއީ ސޯސަންމަގާއި ކަސްތޫރިމަގާ ދެމެދުން ރޯޝަނީމަގުގައި ހިމެނޭ ހުރިހާ ގެތަކެވެ.
ސްޓްރީޓް ސްކޭޕިން ޕްރޮޖެކްޓުގެ ދަށުން މިހާރު ކުރިއަށްދަނީ ރޯޝަނީމަގުގައި އަޅާފައިވާ ފެން ހޮޅި އާއި އަލަށް އަޅާފައިވާ ފެންހޮޅި ގުޅާލުމުގެ މަސައްކަތެވެ. އެހެންކަމުން މި މަސައްކަތް ނިންމުމަށް މިރޭ 11 އިން ފަތިހު 5:00 އަށް ފެނުގެ ހިދުމަތް ކެނޑޭނެ ކަމަށް އެ ކުންފުނިން ބުންޏެވެ.
ފެން ކަނޑާލުމުގެ ސަބަބުން ދިމާވެދާނެ ދަތިތަކަށް އެމްޑަބްލިއުއެސްސީން ވަނީ މައާފަށް އެދިފަ އެވެ.