14 އޯގަސްޓް 2021 - 12:15
ލަންޑަން (އޯގަސްޓް 14) - ބްރެންޓްފޯޑް 74 އަހަރަށް ފަހު އިނގިރޭސި ޓޮޕް ޑިވިޝަނަށް އައިސް ކުޅުނު ފުރަތަމަ މެޗުގައި 2-0 އިން އާސެނަލް ބަލިކޮށްލައިފި އެވެ.
ލަންޑަން ރިމޯޓް ޓައުން، ބްރެންޓްފޯޑްގައި ހުންނަ ކޮމިޔުނިޓީ ސްޓޭޑިއަމް އޮތީ ސަޕޯޓަރުންނާއެކު ފުރިފަ އެވެ. އެއީ މިދިޔަ 70 ވަރަކަށް އަހަރު ތެރޭ އެ ސްޓޭޑިއަމްގައި ކުޅުނު އެންމެ ހާއްސަ މެޗެވެ. ސަޕޯޓަރުން ވެސް އެންމެ ފޯރި އެރުވި މެޗެވެ.
ޕްރިމިއާ ލީގުގައި ބްރެންޑްފޯޑްގެ ފުރަތަމަ ލަނޑު ޖެހީ ސާޖީ ކެނޯސް އެވެ. މެޗުގެ 22 ވަނަ މިނެޓުގައި އޭނާ ވާނީ އޭރިއާ ތެރެއަށް ވަން ގޮތަށް ގޯލްގެ ކަނަށް ބޯޅަ ވައްދާލައިފަ އެވެ. އޭނާ ބޯޅަ ފޮނުވާލާނެ ކަމަށް އާސެންލަގެ ޑިފެންޑަރުން ވެސް ތިބީ ތައްޔާރު ވެގެނެއް ނޫނެވެ.
ދެ ވަނަ ހާފުގައި ނަތީ ޖާ އަނބުރާލެވޭތޯ އާސެނަލް ވަރަށް މަސައްކަތް ކުރި އެވެ. ނަމަވެސް ދެ ވަނަ ހާފުގައި ކްރިސްޓިއަން ނޯޑް ބްރެންޓްފޯޑްގެ ދެ ވަނަ ލަނޑު ޖެހި އެވެ. އޭނާ ލަނޑު ޖެހީ އެ ޓީމަށް ލިބުނު އެއްލުމެއްގައި މާޑް ބެޓް ސޯރެންސެން އޭރިއާތެރެއަށް އެއްލި "ޑީޕް ތުރޯ" އިން ތަނަވަސްވި ބޯޅަ ގޯލްގެ ތެރެއަށް ފޮނުވާލައިގެންނެވެ.
އާސެންލަ އަށް މެޗުގައި ލިބުނު އެންމެ ރަނގަޅު ފުރުސަތު ލިބުނީ 87 ވަނަ މިނެޓުގައި ނިކޮލަސް ޕެޕޭ އަށެވެ. ނަމަވެސް އެ ފުރުސަތުގައި ގޯލަކަށް ބަދަލުކޮށްލެވޭ ގޮތެއް ނުވި އެވެ.