27 ނޮވެމްބަރ 2016 - 06:20
ރިތިކް ރޯޝަން އަކީ ދުނިޔޭގައި ހުރި އެންމެ ރީތި ފިރިހެނާ ކަމަށް އިންޑިއާގެ ގިނަ ބަޔަކު ގަބޫލު ކުރެ އެވެ. މިހާރު މުޅި ދުނިޔެ ވެސް އެކަން ގަބޫލުކުރާކަމަށް ބެލެވެ އެވެ.
މިކަން ޔަގީންވަނީ ދުނިޔޭގެ މަޝްހޫރު ވެބްސައިޓެއް ކަމަށްވާ ވޯލްޑްސްޓޮޕްމޯސްޓް ޑޮޓް ކޮމް އިން ހޮވާފައިވާ ދުނިޔޭގެ އެންމެ ރީތި 10 ފިރިހެނުންގެ 2016-2017 ލިސްޓުގެ ތިން ވަނަ މަގާމު ރިތިކް އަށް ދީފައިވާތީ އެވެ.
މި ލިސްޓުގެ އެއްވަނައިގައި ވަނީ ހޮލީވުޑް މަޝްހޫރު އެކްޓަރު ޓޮމް ކްރޫޒް އެވެ. ދެ ވަނައިގައި ރޮބަޓް ޕެޓިންސަން އެވެ. މި ލިސްޓުގެ ތިން ވަނައިގައި ރިތިކް އޮތް އިރު މި ލިސްޓުގައި ގިނައިން ތިބީ ހޮލީވުޑް އެކްޓަރުންނެވެ. ހަތަރުވަނަ ހިއު ޖެކްމަން އަށް ލިބިފައި ވާއިރު ފަސް ވަނައިގައިއޮތީ ޖޮނީ ޑެޕް އެވެ. ހަ ވަނައިގައި ބްރެޑް ޕިޓް އެވެ.
ބޮލީވުޑް އެކްޓަރު ސަލްމާން ޚާނަށް މި ލިސްޓުގެ ހަތް ވަނަ ލިބިފައި ވެއެވެ.
މި ވެބްސައިޓުން ބުނި ގޮތުގައި އެކްޓަރުންނަށް ވަނަތައް ދިނުމުގައި ބަލާފައިވަނީ އެމީހުންގެ ގައިގައި ހުރި މީހުން އަޅައިގަންނަ ސިފަތަކަށާއި މުޅި ދުނިޔޭގައި އެމީހުންގެ މަޝްހޫރުކަން ހުރި މިންވަރަށެވެ.
ރިތިކް އަށް ތިން ވަނަ ދިން ސަބަބާ ގުޅޭ ގޮތުން އެ ވެބްސައިޓުގައި ވަނީ ވަރަށް ރީތި އަދި ލޯބި މޫނެއްގެ ވެރިއަކަށް ވާތީ ކަމަށެވެ. މީގެ އިތުރުން ރިތިކްގެ ހަށިގަނޑު ރީތިކަމުން އިތުރު ޕޮއިންޓްތައް ލިބިފައިވެ އެވެ.