03 މެއި 2021 - 13:16
ކުޅިވަރު އެކުވެނީގައި ހުންނަ އައުޓްޑޯ ބާސްކެޓްބޯޅަ ކޯޓް އެޗްޕީއޭ އިން ބަންދުކުރުމުން، ބާސްކެޓްބޯލް އެސޯސިއޭޝަންގެ ރައީސް އަހްމަދު އާދަމް (އެޑަމް) ކަންބޮޑުވުން ފާޅު ކުރައްވައިފި އެވެ.
ބާސްކެޓްބޯޅައިގެ އެކެޑެމީ ހަރަކާތްތައް ވެސް ކުރިއަށް ގެންދަނީ އެ ކޯޓްގަ އެވެ. އަދި މިފަހަރު ރޯދަ މަހަށް ހާއްސަކޮށްގެން ކުރިއަށްގެންދާ ބާސްކެޓްގެ ވެޓްރަންސް ހަރަކާތްތައް ކުރިއަށް ގެންދަނީ ވެސް އެތަނުގަ އެވެ.
އައުޓްޑޯ ބާސްކެޓްކޯޓްގެ ފޮޓޯއެއް ސޯޝަލް މީޑިއާގައި ހިއްސާކުރެއްވުމަށް ފަހު އެޑްމަ ވިދާޅުވީ، ކުޅިވަރުތަކުގެ މެދުގައި އެޗްޕީއޭ އަށް ހަމަހަމަކަން ނުގެން ގުޅެވޭ ކަމަށެވެ.
އޭނާ ވިދާޅުވީ، ބާސްކެޓްކޯޓްގައި ބަންދު ބޯޑު އެޅުވީ އަލަށް ކަމަށެވެ. އެ ކޯޓްގައި ބަންދުބޯޑު އެޅުވުމުން އެތައް ބައެއްގެ އާމްދަނީ އަށް އަސަރުކުރާ ކަމަށް ވިދާޅުވި އެވެ. އޭނާ އެ ފާހަގަ ކުރެއްވީ އެކެޑެމީ ހިންގާ ފަރާތްތަކަށް ލިބޭނެ ގެއްލުމަށް އަމާޒު ކުރައްވަ އެވެ.
"ތޮއްޖެހިގެން ކެމްޕޭން ކުރުން އޯކޭ. ތޮއްޖެހިގެން ދުވާ ޓްރެކުގައި ދުވުން އޯކޭ. އެންމެންނަށް ނުފެންނަ ތަނުގައި މުބާރާތްތައް ބޭއްވުން އޯކޭ،" ކަންބޮޑުވުންތައް އާދަމް ހިއްސާ ކުރެއްވި އެވެ.
އޭނާ ވިދާޅުވީ، ބާސްކެޓްބޯޅައިގެ ހުރިހާ އެކެޑެމީތަކުގައި މަސައްކަތް ކުރާ ފަރާތްތައް ދެ ޑޯޒްގެ ވެކްސިން ޖާހަފައި ވާނެ ކަމަށެވެ. އަދި ބާސްކެޓް ކުޅޭ ކުޅުންތެރިންގެ ވެސް 75 ޕަސަންޓް ކުޅުންތެރިން ވެކްސިންގެ ދެ ޑޯޒް ޖަހާފައިވާނެ ކަމުގެ ޔަގީން އޭނާ ދެއްވަ އެވެ.
"ކޯޓް ބަންދު ކުރުމުގެ ކުރިން އެންމެ ރަނގަޅު ދެއްތޯ ބަލާލަން ކުޅެން އަންނަ ކުޅުންތެރިއެއް ނުވަތަ ކޯޗެއް ޕޮޒިޓިވްވިތޯ،" އޭނާ ވިދާޅުވި އެވެ.