16 އެޕްރީލް 2021 - 13:13
ކޮވިޑް-19 އަށް ފަރުވާދެނިކޮށް 82 އަހަރުގެ އަންހެނަކު މިއަދު މަރުވެއްޖެ އެވެ.
ދަރުމަވަންތަ ހޮސްޕިޓަލުގެ ޑީއެޗް11 ގައި ފަރުވާ ދެނިކޮށް މި އަންހެން މީހާ މަރުވީ މިއަދު ހެނދުނު 11:12 ގައި ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުންޏެވެ.
މިއީ ކޮވިޑް ޖެހިގެން މި މަހު މަރުވި ފުރަތަމަ މީހާ އެވެ. އަދި މި ބަލި ޖެހިގެން މިހާތަނަށް ރާއްޖޭން މަރުވި 68 ވަނަ މީހާ އެވެ.
ކޮވިޑް ޖެހިގެން މިހާތަނަށް އެންމެ ގިނަ މީހުން މަރުވެފައި ވަނީ ފެބްރުއަރީ މަހު، 10 މީހުންނެވެ. އަދި މިދިޔަ މަހުގައި ފަސް މީހަކު މަރުވެފައި ވެ އެވެ.
ކޮވިޑަށް ޕޮޒިޓިވްވާ މީހުންގެ އަދަދު މި އަހަރު ކުރީ ކޮޅު އިތުރުވާން ފެށުމަށް ފަހު، ދުވާލަކު ޕޮޒިޓިވްވާ އަދަދު 100 އަށް ވުރެ ދަށުގައި ހުންނަތާ މިހާރު ހަފްތާއެއް ވަރު ވެއްޖެެ އެވެ.
މިހާތަނަށް 25،939 މީހުންނަށް ކޮވިޑް-19 ޖެހިފައިވާ އިރު، މިވަގުތު ބައްޔަށް ފަރުވާ ހޯދަމުން އަންނަނީ 2،621 މީހުންނެވެ. 274،782 މީހުން ކޮވިޑުން ރައްކާތެރިވާން ވެކްސިން ޖަހާފައި ވެ އެވެ.