14 އެޕްރީލް 2021 - 13:28
މިދިޔަ ހޮނިހިރު ދުވަހު ބޭއްވި އިންތިހާބުގެ ވަގުތީ ނަތީޖާ އިއުލާނުކުރަން އިލެކްޝަންސް ކޮމިޝަން (އީސީ) އިން ފަށައިފި އެވެ.
ލޯކަލް ކައުންސިލާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގެ ވަގުތީ ނަތީޖާ އިއުލާނުކުރަން އީސީން މީގެ ކުރިން ވެސް މަސައްކަތްކުރި އެވެ. އެކަމަކު އެކި ސަބަބުތަކާ ހުރެ އޮތީ ނުފެށި އެވެ.
އިންތިހާބުގެ ވަގުތީ ނަތީޖާ އިއުލާންކުރަންޖެހޭ ވަކި މުއްދަތެއް އިންތިހާބާ ބެހޭ ގާނޫނުގައި ނޯވެ އެވެ. ނަމަވެސް ވޯޓުލާތާ 14 ދުވަހުގެ ތެރޭގައި ދާއިމީ ނަތީޖާ އިއުލާނުކުރަންޖެހެ އެވެ. އެހެންވެ، މި މަހުގެ 24 ގެ ކުރިން ދާއިމީ ނަތީޖާ އިއުލާނުކުރަންޖެހޭނެ އެވެ.
އެ ކޮމިޝަންގެ ނައިބު ރައީސް އިސްމާއިލް ހަބީބް ވިދާޅުވީ ގިނަ ދާއިރާތަކެއްގެ ވަގުތީ ނަތީޖާ މިއަދު އިއުލާނުކުރާނެ ކަމަށެވެ.
ކައުންސިލާއި އަންހެނުންގެ ކޮމިޓީ އިންތިހާބުގެ ނަތީޖާ އިއުލާނުކުރަން ފެށިއިރު، 18 ފޮއްޓެއްގެ ވޯޓު ގުނުމަށް ސާފުކުރަން ޖެހޭ ކަންކަން ބަލަން އީސީން ނިންމުމުން ވޯޓު އޮޅުވާލާފައިވާ ކަމަށް ތުހުމަތުކޮށް އެ ކޮމިޝަންގެ މައި މަރުކަޒުގައި އިއްޔެ ވަނީ ބޮޑު ހަމަނުޖެހުމަށް ހިންގައިފަ އެވެ.
އެ ސަރަހައްދަށް އެންމެ ފުރަތަމަ އެއްވީ އިދިކޮޅު ކޯލިޝަންގެ ލީޑަޝިޕްގައި ތިއްބެވި ބޭފުޅުންނާއި އެ ޕާޓީގެ ސަޕޯޓަރުންނެވެ. އެކަމަކު ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ބާ ޖަމާލުއްދީނުގައި ހިންގާ މަރުކަޒަށް ފަހުން ވަޑައިގަތުމުން މަސްރަހު ގޯސްވީ އެވެ.
ފުލުހުންނަށް ހަމަނުޖެހުން ކޮންޓްރޯލްކުރަން ޖެހުނީ ޕެޕާ ސްޕްރޭ ބޭނުންކޮށްގެންނެވެ.
އިންތިހާބުގައި ޖުމްލަ 3،814 ކެންޑިޑޭޓުން ވާދަކުރި އެވެ. ކައުންސިލް އިންތިހާބުގައި 2،234 އަދި އަންހެނުންގެ ކޮމިޓީއަށް 1،580 ކެންޑިޑޭޓުންނެވެ.
އެ ކެންޑިޑޭޓުންނަށް ވޯޓުލާފައިވަނީ 182،995 ކެންޑިޑޭޓުންނެވެ. އެއީ ވޯޓުލުމަށް ޝަރުތުހަމަވާ ކެންޑިޑޭޓުންގެ ތެރެއިން 67 ޕަސެންޓް މީހުންނެވެ.