18 މާޗް 2021 - 23:00
ރާއްޖެ އިން ކޮވިޑް-19 އަށް އިތުރު 186 މީހަކު މިދިޔަ 24 ގަޑިއިރުގެ ތެރޭގައި ޕޮޒިޓިވްވެ، އެ ބަލި ޖެހުނު މީހުންގެ ޖުމުލަ އަދަދު 22،000 އިން މައްޗަށް އަރައިފި އެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން މިރޭ ބުނީ ކޮވިޑް-19 އަށް އިއްޔެ ހަވީރު 6 އިން މިއަދު ހަވީރު 6 އަށް ޕޮޒިޓިވްވި މީހުންގެ ތެރެއިން 151 މީހަކު ޕޮޒިޓިވްވީ މާލެ ސަރަހައްދުން ކަމަށެވެ. ރިސޯޓްތަކުން 20 މީހަކު އެ ބައްޔަށް ޕޮޒިޓިވްވިއިރު، އަތޮޅު ތެރެއިން 14 މީހަކު ޕޮޒިޓިވްވި ކަމަށް އެޗްޕީއޭއިން ބުންޏެވެ.
އެހެންވެ، ރާއްޖެއިން އެ ބަލި ޖެހުނު މީހުންގެ ޖުމްލަ އަދަދު 22،147 އަށް މިހާރު ވަނީ އަރައިފަ އެވެ. އެކަމަކު 19،000 އަށް ވުރެ ގިނަ މީހުން އެ ބަލިން ރަނގަޅު ވެފައިވާތީ މިވަގުތު ފަރުވާ ދެނީ 2،433 މީހަކަށެވެ. އޭގެ ތެރެއިން ހޮސްޕިޓަލްގައި ފަރުވާ ދެނީ 121 މީހަކަށެވެ.
ކޮވިޑް-19 ގައި މިހާތަނަށް ރާއްޖެއިން މަރުވީ 65 މީހެކެވެ.