17 މާޗް 2021 - 09:05
ދިރާގުން ދެމުން އަންނަ ފިކްސްޑް ބްރޯޑް ބޭންޑުގެ ހިދުމަތް މެދުކެނޑިއްޖެ އެވެ.
މިކަމާ ގުޅޭ ގޮތުން ދިރާގުން ބުނީ އެ ކުންފުނީގެ ބައެއް ކަސްޓަމަރުންނަށް ބްރޯޑްބޭންޑު ހިދުމަތް ބޭނުން ކުރުމުގައި ދަތިތަކާ ކުރިމަތިވާކަން ފާހަގަކުރެވިފައިވާ ކަމަށެވެ. އަދި މި މައްސަލަ ވީހާ ވެސް އަވަހަކަށް ހައްލު ކުރުމަށް މަސައްކަތް ކުރަމުން އަންނަ ކަމަށް އެ ކުންފުނިން ބުންޏެވެ.
ބައެއް ސްކޫލްތަކުގެ މިއަދުގެ އޮންލައިން ކްލާސްތައް ވެސް އިންޓަނެޓް ކެނޑުމުގެ ސަބަބުން މިއަދު ވަނީ ކެންސަލްކޮށްފަ އެވެ.
ކޮވިޑް-19ގެ ސަބަބުން ސްކޫލްތަކާއި ކޮލެޖުތަކުން ކްލާސްތައް ނަގަމުން އަންނަނީ އޮންލައިންކޮށެވެ. އަދި ބައެއް މީހުން މަސައްކަތް ކުރަމުން އަންނަނީ ގެއިންނެވެ. އެހެންކަމުން މި ހިދުމަތް މެދު ކެނޑުމުގެ ސަބަބުން ގެއިން މަސައްކަތް ކުރާ މީހުންނަށް ވެސް ދަތިތަކާ ދިމާވާ ކަމަށް ސޯޝަލް މީޑިއާގައި ދަނީ ބުނަމުންނެވެ.
ސޯޝަލް މީޑިއާގައި ބައެއް މީހުން ބުނެފައިވާ ގޮތުގައި މި ހިދުމަތް ރޭ ފަތިހުން ފެށިގެން ވަނީ ކެނޑިފަ އެވެ.