01 ފެބުރުއަރީ 2021 - 21:29
މެޑްޓެކް އިން ސްކޫލުތަކަށް 4،000 ހޭންޑްވޮޝް ހަދިޔާކޮށްފި އެވެ.
މެޑްޓެކް އިން މި ތަކެތި ހަދިޔާކުރީ ސްކޫލް ކުދިންގެ ރައްކާތެރިކަން ކަށަވަރު ކުރުމަށް އެޑިއުކޭޝަން މިނިސްޓްރީން ކުރަމުންދާ މަސައްކަތައް އެހީތެރިކަން ފޯރުކޮށްދިނުމަށެވެ.
މެޑްޓެކް އިން ބުނީ މިއީ ރާއްޖޭގައި ކޮވިޑްގެ ހާލަތުން އަރައިގަތުމަށް އެހީތެރިވުމުގެ ގޮތުން ސްކޫލުތަކަށް ދިން އެހީއެއް ކަމަށެވެ. މިކަމުގައި ސަރުކާރާއި އަމިއްލަ ފަރާތްތަކާ އެކު ވެސް މަސައްކަތްތައް ކުރަމުން އަންނަ ކަމަށް އެ ކުންފުނިން ބުންޏެވެ. އެގޮތުން ރާއްޖޭގައި ކޮވިޑަށް ޓެސްޓް ކުރާ މިންވަރު އިތުރު ކުރުމާއި ފަރުވާ ދިނުމުގައި ބޭނުންވާ ވަސީލަތްތައް ފޯރުކޮށްދިނުމުގައި ވެސް އެ ކުންފުނިން އަންނަނީ ބޮޑު އެހީތެރިކަމެއް ފޯރުކޮށްދެމުންނެވެ.
މުޅި ދުނިޔެ އަށް ކުރިމަތިވި ކޮވިޑްގެ ބަލިމަޑުކަމުގައި ރާއްޖެ އިން މިހާތަނަށް 15,841 މީހުންނަށް ބަލިޖެހިފައިވެ އެވެ. އޭގެ ތެރެއިން 14،000 މީހުން ބަލިން ރަނގަޅުވެފައިވެ އެވެ.
މިދިޔަ ޑިސެމްބަރު މަހު ރާއްކޭގައި ކޮވިޑް ޖެހުނު މީހުންގެ އަދަދު ވަރަށް ބޮޑަށް ދަށްވުމަށް ފަހު އަނެއްކާ ވެސް މި ބަލި ޖެހޭ މީހުންގެ އަދަދު ދަނީ އިތުރުވަމުންނެވެ. އަދި މިއަދު މިވަނީ ކޮވިޑުން ރައްކާތެރިވުމުގެ ގޮތުން ކޮވިޝީލްޑް ވެކްސިން ޖަހަން ފަށައިފަ އެވެ.