26 ޖެނުއަރީ 2021 - 20:18
އއ. ތޮއްޑޫ މޮނީޓަރިންގެ ހާލަތަށް ގެނެސް، އެރަށަށް އަރައި ފޭބުން މަނާކޮށްފި އެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ އެރަށް މޮނީޓަރިންގެ ހާލަތަށް ގެނައީ އިއްޔެ އެރަށުން މާލެ އައި މީހަކު ކޮވިޑް-19 އަށް ޕޮޒިިޓިވްވުމުން ކަމަށެވެ. އެޗްޕީއޭ އިން ބުނީ ކޮންޓެކްޓް ޓްރޭސިންގެ މަސައްކަތްތައް ނިމެންދެން އެރަށް މޮނީޓަރިންގެ ހާލަތަށް ގެނެސްފައިވާ ކަމަށެވެ.
ތޮއްޑޫގެ އިތުރުން މ. ކޮޅުފުށިން ވެސް ނުވަ މީހަކު ކޮވިޑް-19 އަށް ވަނީ ޕޮޒިޓިވްވެފަ އެވެ. އެ މީހުން ޕޮޒިޓިވްވީ އެރަށުން ވެސް މާލެ އައި މީހަކު މިދިޔަ ހަފުތާގައި ކޮވިޑް-19 އަށް ޕޮޒިޓިވްވުމުން އެރަށުގައި ނެގި ރެންޑަމް ސާމްޕަލްތަކުގެ ތެރެއިންނެވެ.