31 ޑިސެމްބަރ 2020 - 16:07
ތަހުޒީބާއި ހުވަފެނީ ތަސައްވުރުތަކުގެ އަހަރަކަށް ވެދާނެ ކަމަށް، ކުރިންސުރެ ސިފަކުރަމުން އައި 2020 ނިމިގެން މި ދިއައީ، ބަދުނަސީބު އަހަރެއްގެ ގޮތުގަ އެވެ. މުޅި ދުނިޔެ ބަލިމަޑުކަމެއްގައި އޮވެ ހުރިހާ ކަމެއް ކުއްލިއަކަށް ބަދަލުވި އަހަރެއްގެ ގޮތުގައި ނޫނީ 2020 ތާރީޚަކު ނުލިޔެވޭނެ އެވެ. މި އަހަރު ތަޖުރިބާކުރި ކޮންމެ މީހަކަށް ވެސް މުޅި އުމުރަށް ހަނދާނުގައި ހަރުލާނެ، ދެން ދުވަހަކު ވެސް ނުފެންނާނެ ފަދަ އެތައް ކަމެއް ފެނިއްޖެ އެވެ.
މިއީ ކޮވިޑް-19ގެ ބިރުވެރިކަމުގެ ތެރޭގައި ހޭދަކުރި އަހަރު ތަޖުރިބާކުރަން ޖެހުނު ކަންކަމާ ގުޅުން ހުރި، އެ ހަނދާންތައް އަބަދަށް އާކޮށްދޭނެ ބައެއް ފޮޓޯތަކެވެ.
މި އަހަރު މިފަދަ ކިތަންމެ ފޮޓޯއެއް ލިސްޓުކުރެވިދާނެ އެވެ. އަހަރު ނިންމާ މިލަނީ ކޮވިޑް-19 އަށް ވެކްސިން އުފައްދައި އެ ޖަހަން ފަށާފައި ވާތީ މިފަދަ އަހަރެއް ތަކުރާރު ނުވާނެ ކަމުގެ އުންމީދުގަ އެވެ. އާ އަހަރަކީ އުފާވެރިކަމުގެ މަންޒަރުތަކުގެ އަހަރަކަށް ވުމަކީ ދުއާ އެވެ.
