22 ޑިސެމްބަރ 2020 - 12:24
ރާއްޖޭގެ ހުރިހާ ސްކޫލަކަށް ޓީޗަރުން ހޯދަން އިއުލާނުކޮށްފި އެވެ.
އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީ އަހުމަދު އަލީ މިއަދު ވިދާޅުވި ޓީޗަރުންގެ ގޮތުގައި ތިބި ބިދޭސީންގެ މަގާމުތަކަށް ސިވިލް ސާވިސްގެ އުސޫލާ އެއްގޮތަށް ދިވެހިން ހޯދަން އިއުލާނުކޮށްފައިވާ ކަމަށެވެ.
މި އަހަރު ރާއްޖޭގައި މަސައްކަތްކުރި ބިދޭސީން ޓީޗަރުންގެ އަދަދު 2،000 އަށްވުރެ ގިނަ އެވެ.
އޭނާ ވިދާޅުވީ 212 ސްކޫލަށް ޓީޗަރުން ހޯދުމަށް މިއަދުގެ ނިޔަލަށް އިއުލާންކުރުމަށް ހުރިހާ ސްކޫލަކަށް އަންގާފައިވާ ކަމަށެވެ.
މީގެ ކުރިން ކޮންމެ ތިން މަހަކުން ދިވެހި ޓީޗަރުން ހޯދަން އިއުލާނުކުރާ ކަމަށާއި އެކަމަކު މި އަހަރު ކޮވިޑް-19 ގެ ހާލަތާ ގުޅިގެން އިއުލާނުކުރެވިފައި ނުވަނީ ކަމަށް ވިދާޅުވި އެވެ.
ރާއްޖެއަށް ބިދޭސީ ޓީޗަރުން ހޯދަނީ ދިރާސީ އަހަރަކަށެވެ. އެކަމަކު ކޮވިޑުގެ ސަބަބުން ދިރާސީ އާ އަހަރު ފެށުން އޮގަސްޓް 10، 2021 އަށް ބަދަލުކުރުމުން އެ ޓީޗަރުންގެ ކޮންޓްރެކްޓް ވަނީ އާކޮށްފަ އެވެ.
"ދިވެހިންނަށް ވަޒީފާގެ ފުރުސަތުތަކެއް މިއީ،" އަހުމަދު ވިދާޅުވި އެވެ.
މަސް ދުވަހުގެ ޗުއްޓީއަކަށްފަހު އަންނަ މަހުގެ 10 ގައި، މި އަހަރުގެ ދެ ވަނަ ޓާމުގެ ކިޔެވުން ފަށާނެ އެވެ.