02 ނޮވެމްބަރ 2020 - 11:38
ދަނޑުވެރި ކަމަށް ބޭނުންވާ ސާމާނު ފުޅާ ދާއިރާއެއްގައި ވިއްކާ، ޕްރައިމް ފާޓިލައިޒާސް އިން އަންނަ އަހަރުގެ ރޯދަމަހާ ދިމާކޮށް ޕްރޮމޯޝަނެއް ފަށައިފި އެވެ.
ޕްރައިމް ފާޓިލައިޒާސްގެ ފިހާރަތަކުން ކުރާ 500ރ. އިން މަތީގެ ކޮންމެ ވިޔަފާރިއަކަށް މި ޕްރޮމޯޝަނުގެ ދަށުން ކޫޕަނެއް ލިބޭނެ އެވެ. މި ކަސްޓަމަރުންގެ ތެރެއިން ތިން ނަސީބުވެރިން ހޮވުމަށް ވަނީ ހަމަޖެހިފަ އެވެ.
މި ޕްރޮމޯޝަން ކުރިއަށް ދާނީ މާޗް 31، 2021ގެ ނިޔަލަށެވެ.
- އެއްވަނަ އިނާމް: މެލޭޝިއާ އަށް ދެ މީހެއްގެ ދެކޮޅު ޓިކެޓާއި، ފަސް ރޭގެ ހުރުމާއި ކެއުމުގެ އިތުރުން ކެމެރަން ހައިލެންޑްސްގެ އެއް ދުވަހުގެ ޓުއާއަކަށް ދާނެ ޚަރަދު.
- ދެވަނަ އިނާމް: 25،000ރ. ވައުޗަރެއް. (މި ވައުޗާ ބޭނުން ކުރެވޭނީ ޕްރައިމް ފާޓިލައިޒާސްގެ ފިހާރަތަކުން)
- ތިން ވަނަ އިނާމް: 40 ޕޮޓުގެ އޮޓޯ ޕޮޓް ސިސްޓަމެއް.
ޕްރައިމް ފާޓިލައިޒާސް އިން ބުނިގޮތުގައި މި ޕްރޮމޯޝަނުގައި އެ ފިހާރަ އަށް ޒިޔާރަތް ކޮށްގެން ވިޔަފާރި ކުރާ ކަސްޓަަމަރުންގެ އިތުރުން އޮންލައިންކޮށް ވިޔަފާރި ކުރާ ކަސްޓަމަރުންނަށް ވެސް ބައިވެރިވެވޭނެ އެވެ. އެގޮތުން، އޮންލައިންކޮށް ވިޔަފާރި ކުރާ ކަސްޓަމަރުންނަށް، މުދަލާ އެކު ކޫޕަން ލިބޭނެ އެވެ.
ޕްރައިމް ކުންފުނީގެ ޑިރެކްޓަރު ނިޔާޒު އިބްރާހިމް ވިދާޅުވީ މި ޕްރޮމޯޝަން މިހާ އަވަހަށް ފެށީ ދަނޑުވެރިންނަށް ޕްރޮމޯޝަނުގައި ބައިވެރިވުުގެ ފުރުސަތު ދިނުމަށް ކަމަށެވެ.
"ރޯދަ އަށް ތައްޔާރުވާން ދަނޑުވެރިން ތަކެތި އުފައްދަން ފަށާނެ ރޯދަ މަސް ފެށުުމުގެ ހައެއްކަ މަސް ކުރިން. އަޅުގަނޑުމެންނަކީ ދަނޑުވެރި ކަމަށް ހާއްސަ ގިނަ އުފެއްދުންތައް ވިއްކާ ބަޔަކަށް ވާތީ ދަނޑުވެރިން ބައިވެރިކުރުވަން ޕްރޮމޯޝަން ކުރިން ފަށަން ނިންމީ،" ނިޔާޒު ވިދާޅުވި އެވެ.
މި ޕްރޮމޯޝަނުގެ ނަސީބުވެރިން ހޮވާނީ އަންނަ އަހަރުގެ އޭޕްރިލް މަހުގެ ތެރޭގަ އެވެ. ނަސީބުވެރިން އިއުލާނު ކުރާތާ އެއް މަސްދުވަހުގެ ތެރޭގައި އިނާމާ ހަވާލުވާން ޖެހޭނެ ކަމަށް ޕްރައިމް ފާޓިލައިޒާސް އިން ބުންޏެވެ.
މާލެ އާއި ހުޅުމާލޭގައި ޕްރައިމް ފާޓިލައިޒާސްގެ ހަތަރު ފިހާރަ ހުރެ އެވެ.