12 މެއި 2020 - 20:48
ދިރާގުގެ ޕްރީޕެއިޑް ކަސްޓަމަރުންނަށް ގޭގައި ތިބެގެން ފަސޭހަ ކަމާ އެކު ރީލޯޑް ކޮށްލެވޭނެ ގޮތްތައް ފަހިކޮށްދީފި އެވެ.
ދިރާގުން ބުނީ، މިހާރު ދިރާގު މޯބައިލް އެޕްލިކޭޝަން ބޭނުންކޮށްގެން "އީޒީ ޓޮޕްއަޕް" އިން ނަންބަރު ޖެހުމަށް ފަހު ފައިސާ ދެއްކޭނެ ކަމަށެވެ. މިގޮތަށް ރީލޯޑް ކުރުމަށް "ކޮންޓިނިއު އޭ ޕޭ" އަށް ފިތާލުމުން ރިލޯޑް ލިބޭނެ އެވެ. އަދި އެއަށް ފަހު "ކޮންޓިނިއު" އަށް ފިތާލައިގެން ފައިސާ ދައްކަން ބޭނުންވާ ގޮތް އިހްތިޔާރުކުރެވޭނެ އެވެ. ދިރާގުން ބުނީ، ދިރާގު ޕޭ އާއި ބީއެމްއެލް އަދި އެމްއައިބީ ޑެބިޑް ނުވަތަ ކްރެޑިޓް ކާޑުން ރީލޯޑް ކުރެވޭނެ ކަމަށެވެ.
މީގެ އިތުރުން ދިރާގުން ވެބްސައިޓުން ވެސް ރީލޯޑް ކުރެވޭނެ އެވެ. ވެބްސައިޓް މެދުވެރިކޮށް ވެސް ބޭނުންވާ ވަރެއް ރީލޯޑް ކޮށްލެވޭ އިރު ދިރާގު ޕޭ އާއި ބީއެމްއެލް އާއި އެމްއައިބީ ޑެބިޑް އަދި ކްރެޑިޓް ކާޑު ބޭނުން ކޮށްގެން ވެސް ފައިސާ ދެއްކޭނެ އެވެ.
ޕްރީޕެއިޑް ކަސްޓަމަރުން ދިރާގު ޕޭ މެދުވެރުކޮށް ރީލޯޑްކުރަން ބޭނުން ނަމަ އެޕްލިކޭޝަން ހުޅުވުމަށް ފަހު "ރީލޯޑް މައި މޯބައިލް" ނުވަތަ "އަނަދާ ރީލޯޑް" އަށް ފިތާލުމަށް ފަހު، ބޭނުންވާ ނަންބަރު ޖެހުމަށް ފަހު "ވެލިޑޭޓް" އަށް ފިތާލުމަށް ފަހު ރީލޯޑް ޓްރާންސެކްޝަން ފުރިހަމަ ކުރުމަށް "ޕްރޮސީޑް" އަށް ފިތާލައިގެން ރީލޯޑް ކޮށްލެވޭނެ އެވެ.
ދިރާގު ޕޭ މެދުވެރިކޮށް ކުރާ ކޮންމެ ރީލޯޑަކަށް 20 ޕަސެންޓު އިތުރު ކްރެޑިޓް ލިބޭނެ އެވެ. މި ޕްރޮމޯޝަން ކުރިއަށްދާނީ އަންނަ ޖޫން މަހުގެ ނިޔަލަށެވެ.
ދިރާގުން ބުނީ ކޮވިޑް-19 ރާއްޖޭގައި ފެތުރެމުން ދާ މި ދުވަސްވަރު ހުރިހާ ކަސްޓަމަރުން ވެސް ރައްކާތެރިކަމާ އެކު ގޭގައި ތިބުމަށް އެދޭ ކަމަށެވެ. އަދި ދިރާގުން މަސައްކަތްކުރަމުން އަންނަނީ ކަސްޓަމަރުން ގޭގައި ތިބެގެން ދިރާގުގެ ޚިދުމަތްތައް ބޭނުން ކުރުމަށް ލުއި ފަސޭހަތައް ފޯރުކޮށްދީ ކަސްޓަމަރުންގެ ޑިޖިޓަލް ތަޖްރިބާ އިތުރަށް ފުރިހަމަކޮށް ދިނުމަށް ކަމަށް އެކުންފުނިން ބުނެ އެވެ.