08 މެއި 2020 - 09:50
ޝާހްރުކް ޚާންގެ ފިލްމު ކުންފުނި ރެޑް ޗިލީޒް އެންޓަޓައިންމަންޓާއި ނެޓްފްލިކްސް އިން ގުޅިގެން ހަދާފައިވާ ދެވަނަ ވެބް ސީރީޒް "ބެތާލް" ގެ ފަސްޓްލުކް ދައްކާލައި، ސްޓްރީމްކުރަން ފަށާ ތާރީހަކަށް މި މަހުގެ 24 ހަމަޖައްސައިފި އެވެ.
ޒޮމްބީންތަކެއް ވެސް ފެނިގެންދާ އަދި ބިރުވެރި ހާދިސާތަކެއްގެ މައްޗަށް ހަދާފައިވާ ސީރީޒް ޑައިރެކްޓްކޮށްފައި ވަނީ ޕެޓްރިކް ގްރަހަމާއި ނިކިލް މަހާޖަނެވެ. މީގެ ކާސްޓުންނަކީ ވިނީތު ކުމާރް ސިންގް އާއި އަހާނާ ކުމްރާ އާއި ޖިތެންދުރަ ޖޯޝީ އާއި ސިދާތު މެނަން އާއި މަންޖީރީ ޕުޕާލާ އާއި ސާނިއާ އާނަންދުގެ އިތުރުން ސުޗިތުރާ ޕިއްލާއީ އެވެ.
ޝާހްރުކާއި ނެޓްފްލިކްސް ގުޅިގެން އެންމެ ފުރަތަމަ ގެނެސްދިން ސީރީޒަކީ 2018 ގެ "ބާޑް އޮފް ބްލަޑް" އެވެ. އޭގެ ލީޑް ރޯލް ކުޅުނީ އިމްރާން ހާޝިމީ އެވެ.
ރެޑް ޗިލީޒުން އަންނަނީ ނެޓްފްލިކްސް އަށް ފިލްމެއް ވެސް ހެދުމުގެ މަސައްކަތްކުރަމުންވެ. އެއީ ބޮބީ ޑިއޯލް ލީޑް ރޯލުން ފެނިގެންދާ "ކްލާސް އޮފް 83" އެވެ.
އަތުލް ސަބްރަވާލް ޑައިރެކްޓްކުރާ މި ފިލްމުގެ ކާސްޓުންގެ ތެރޭގައި ޝްރިޔާ ސަރަން، ޕުލްކިތު ސަމްރާޓް، އަމްރިތާ ޕޫރީ، ޕްރިޔަންޝޫ ޗެޓަޖީ، ޒާކިރު ހުސައިން އަދި ޕްރަޝާންތު ކުމާރު ހިމެނެ އެވެ.