01 މެއި 2020 - 08:45
ނެދަލެންޑްސް އަކީ ކޮންމެ އަހަރަކު ވެސް އެ ގައުމުގެ ޓިއުލިޕް ދަނޑުތަކުގެ ޗާލުކަން ބަލައިލަން އެތައް ބަޔަކު ޒިޔާތަޔްކުރާ ގައުމެކެވެ. އެކަމަކު މިހާރު ކުރިމަތިވެފައި މިއޮތް ކޮވިޑް-19 ގެ ބަލިމަޑުކަމާ ހެދި އެ ފުރުސަތެއް މި އަހަރަކު ނެތެވެ.
އެހެންވެ އެ ގައުމުން ބުނަނީ ޓިއުލިޕް ދަނޑުތަކަށް އަންނަ އަހަރު ޒިޔާރަތްކުރަން އިންތިޒާރުކުރާށެވެ. މި މެސެޖް ދީފައި ވަނީ ދަނޑުތަކުގެ ހިތްގައިމު ޓިއުލިޕް ގަސްތަކެއްގައި "ކަނޑައޮ ނަގައިގެން" ނެވެ. އެގޮތުން ލިޔެފައި އިންނަނީ "ސީ ޔޫ ނެކްސްޓް އިޔާ" އެވެ. އަދި އެ ޖުމްލައާ ދިމާލުގައި ތިރި އަށް ހިތެއްގެ ބައްޓަން ވެސް ގެނެސްދީފައިވެ އެވެ.
ޑަޗް ޑެފޮޑިލްސްގެ ނަމުގައި ހިންހާ ޓިއުލިޕް ދަނޑުތަކަށް ހާއްސަ ފޭސްބުކް ޕޭޖްގައި ބުނެފައި ވަނީ ނަސީބު ދިމާކުރި ގޮތުން މި އަހަރަކީ ނެދަލެންޑްސް އަށް ޓޫރިސްޓުންނަށް ޒިޔާރަތްކުރެވެން ނެތް އަހަރެއް ކަމަށެވެ. އަދި މިއީ އެ ގައުމު ވެސް ވަރަށް މިސްވާނެ ކަމެއް ކަމަށާއި ޓިއުލިޕް ދަނޑިތަކަށް ލޯބިކުރާ މީހުން ވެސް އެކަން ވަރަށް މިސްވާނެ ކަމަށް ގަބޫލުކުރާ ކަމަށް ބުންޏެވެ.
"އެހެންވެ އަހަންނަށް އަހަރަށް ތި ހުރިހާ އެންމެން އަހަރެމެން އިންތިޒާރުކޮށް މަރުހަބާ ކިޔާނަން. އަދި ޓިއުލިޕް ގަސްތަކުން މިދޭ މެސަޖަކީ ވެސް އަންނަ އަހަރަށް ތައްޔާރުވަމާ ހިނގާށޭ." ޕޭޖްގައި ބުންޏެވެ.