26 އެޕްރީލް 2020 - 04:57
ނަވީން: ބިދޭސީންނަކީ ވަރަށް ބޮޑު ވޯކް ފޯސްއެއް. އަޅުގަނޑުމެން މިހާރު ވެސް ފުލުހުން ބަލަހައްޓަމުން އެބަ ގެންދަން 18 ތަނެއް ބިދޭސީން އުޅޭ، އެތަންތަނުގައި އެބައުޅޭ 800 އަށް ވުރެ ގިނަ މީހުން. އެ މީހުންނަށް ބޭނުންވާ ކަންކަން ރެޑް ކްްރެސެންްޓާ ގުޅިގެން އެބަ ބަލަހައްޓަން. މީގެ އިތުރުން މާލޭގައި އެބައުޅޭ 5000 އަށް ގިނަ ބިދޭސީން ޕާރުސަލް ހޯދައިގެން ކައިގެން އުޅޭ މީހުން ވެސް. އެ މީހުންގެ ކަންކަން ވެސް އެބަ ބަލަމުން ދަން.
އަފްޒަލް: މިހާރު ފެނިގެން އުޅޭ ބިދޭސީންގެ ކްލަސްޓާތަކަކީ ވަރަށް ބޮޑެތި ކްލަސްޓާތަކެއް. އެހެންވީމަ، މި މީހުންގެ ފަރާތުން ކޮންޓެކްޓްސް ވަރަށް ގިނަ ވާނެ. ޕޮޒިޓިވް ވި މީހުންގެ ތެރޭގައި އެބަހިމެނޭ ގަވައިދާހިލާފަށް އުޅޭ ބިދޭސީން ވެސް. އެ މީހުންގެެ ފަރާތުން މައުލޫމާތު ހޯދުމަކީ ވެސް ފަސޭހަ ކަމެއް ނޫން. އެހެން ނަމަވެސް، އަޅުގަނޑުމެން މި ބަލަނީ ބަންގްލަދޭޝްގެ މީހުން ލައްވާ ވެސް އެ މީހުންގެ ފަރާތުން މައުލޫމާތު ލިބޭތޯ. މީގައި އަޅުގަނޑުމެން ވިސްނަންވީ އެ މީހުންނަށް ވެސް ރައްކާތެރިކަން ލިބިގެން އަޅުގަނޑުމެންނަށް ދުޅަހެޔޮ ސިއްހަތެއް ލިބެން އޮތީ.
އެސިސްޓެންޓް ކޮމިޝަނަރު ނަވީން: އަޅުގަނޑުމެން ރަށްރަށުން އަންނަން ހުއްދަ ދޭއިރު އެއީ ކަރަންޓީން ކޮށްފައިވާ ރަށެއްތޯ އާއި ނުވަތަ މޮނިޓަރިންގައި އޮތް ރަށެއްތޯ ވެސް. އެންމެ ފުރަތަމަ އައި ސިޓުއޭޝަނެއް ނޫން މިހާރު އޮތީ. ކޭސް ބައި ކޭސް ބަލަމުން ގެންދަނީ. ވޭތުވެދިޔަ ހަތަރު ވަރަކަށް ދުވަހު މާލެ އަށް 185 ވަރަކަށް މީހުން އައިސްފައިވާނެ. އެއީ އައިސޮލޭޝަންގައި ނެތް ރަށްރަށް. އަނެއްކާ އަޅުގަނޑުމެން ބަލަން އެ އަންނަ މީހަކު އައިސް ހުންނަނީ ކަރަންޓީނު ކޮށްފައި ހުންނަ ގެއެއްގައިތޯ ވެސް.
އަފްޒަލް: ލޮކްޑައުން ނެގޭނީ މިހާރު ފެންނަ ކޭސްތައް ކޮންމެވެސް ވަރަކަށް ހައްލުވެގެން. ބެކްލޮގް ކްލިއާ ވެގެން. ކުރިއަށް އޮތްތާނގައި ރަށްރަށަށް ވެސް މި ފެތުރުމުގެ ފުރުސަތު އެބައޮތް.
ޑރ. އިބްރާހިމް އަފްޒަލް: ފެންނަ ކޭސްތަކަށް ބަލާއިރު، ގުރޫޕްކޮށް މި ފެންނަނީ. އެއް ސަރަހައްދެއް ގޮތަށް މި އަންނަނީ. އެއް ކްލަސްޓާ އަށް ވާތީ އޭގެ މާނައަކީ އެކަކު އަނެކަކާ އޮތީ ކޮންޓެކްޓް ވެފައޭ. މިހާރު މި ފެންނަނީ ކޮމިއުނިޓީ ސްޕްރެޑް ފެށުނު ފަހުން އެކަކު އަނެކަކާ ގުޅިފައި އޮތީމަ ފެންނަ ކޭސްތައް. އެހެންވެ، އަޅުގަނޑަށް ދެންނެވޭނީ ކުރިއަށް އޮތްތާނގައި ވެސް އިތުރު މީހުން ޕޮޒިޓިވްވާނެއޭ.
އިތުރު 23 މީހަކު ޕޮޒިޓިވްވެއްޖެ. މިހާރު މިއަދު ޖުމްލަ އަދަދަކީ 73. ރާއްޖެ އިން ޕޮޒިޓިވް ވި މީހުންގެ އަދަދު މިހާރު ވަނީ 214 އަށް އަރާފައި.
މަބްރޫކް އަޒީޒު: ކޮވިޑް އާ ގުޅިގެން މިހާތަނަށް 560 މިލިއަން ރުފިޔާ ވަނީ ހޭދަވެފައި. މީގެ ތެރެއިން 84 މިލިއަން ރުފިޔާ އަކި ނެޝެނަލް ޑިޒާސްޓާ އޮތޯރިޓީގެ ޓްރަސްޓް ފަންޑުގައި ހުރި 64 މިލިއަން ރުފިޔާ ހިމެނޭ. މި ފައިސާ އަކީ 10 މަހަށް ވާވަރަށް ކާޑުގެ ބާވަތްތައް ގަންނަން ހޭދަކުރި ފައިސާ. އެ ފައިސާ ވަނީ އެސްޓީއޯއިން ހޭދަކޮށްފައި. އެ ކާޑު ވިއްކުމަށް ފަހު އެ ފައިސާ އަނބުރާ އެސްޓީއޯ އިން ދޭނެ. މީގެ ތެރެއިން 11 މިލިއަން ރުފިޔާ އަކީ ޓޫރިޒަމް ޓްރަސްޓް ފަންޑުގެ ފައިސާ. މީގެ އިތުރުން ހެލްތު މިނިސްޓްރީ އާއި އެންޑީއެމްއޭގެ ބަޖެޓުން ވަނީ 386 މިލިއަން ރުފިޔާ ހޭދަކޮށްފައި. އެއީ މި އޮރަޕޭޝަނާއި ޕީޕީއީ އާއި މެޑިކަލް އިކުއިޕްމަންޓް ކަހަލަ ސާމަނަށް ކުރި ހަރަދާއި އެހެނިހެން ހަރަދުތައް.
ދަރުބާރުގޭގައި ނޫސްވެރިންގެ ބައްދަލުވުން ދެންމެ ފަށައިފި
މިއަދުގެ މިހާތަނަށް ރާއްޖެ އިން ޕޮޒިޓިވްވި މީހުންގެ އަދަދަކީ 191. އަދި މިއީ އެއް ދުވަހެއްގައި މިހާ ގިނަ ބަޔަކު ރާއްޖެ އިން ކޮވިޑް-19 އަށް ޕޮޒިޓިވްވި ދުވަސް. ރޭ ފަތިހު އެޗްޕީއޭ އިން ވަނީ 36 މީހަކު ޕޮޒިޓިވްވި ކަން އިއުލާން ކޮށްފައި. އޭގެ ފަހުން މިދިޔަ ބައިގަޑިއެއްހާއިރުގެ ތެރޭގައި ވަނީ ދެ ބުރެއްގެ މަތިން 14 ކޭސް އިއުލާން ކޮށްފައި. ކޮވިޑް-19 އަށް މިހާތަނަށް ޕޮޒިޓިވްވި ދިވެހިންގެ އަދަދަކީ 78. ރާއްޖެ އިން އެ ބައްޔަށް ޕޮޒިޓިވް ވި މީހުންގެ ތެރެއިން އެންމެ ގިނައީ ބަންގްލަދޭޝްގެ މީހުން. ރާއްޖޭގައި މަސައްކަތް ކުރާ ބަންގަލްދޭޝްގެ 86 މީހަކު ކޮވިޑް-19 އަށް މިހާތަނަށް ޕޮޒިޓިވް ވެފައިވޭ. ކޮވިޑް-19 ގެ ނުރައްކާތެރިކަން އިތުރަށް ބޮޑުވެ، އެ ބަލި މިހާރު ވަނީ މާލެ އަށް ފެތުރިފައި. މާލެ އިން ޕޮޒިޓިވްވި މީހުންގެ އަދަދު އުޅެނީ 150 އަށް ވުރެ މަތީގައި.
އިތުރު ތިން މީހަކު އަނެއްކާ ވެސް ޕޮޒިޓިވްވެއްޖެ ކަމަށް އެޗްޕީއޭ އިން ބުނެފި. މި ފަހަރު ކޮވިޑް-19 އަށް ޕޮޒިޓިވްވީ، ދެ ދިވެއްސަކާއި ޕާކިސްތާނުގެ މީހެއް. މިއީ ރާއްޖޭގައި އުޅޭ ޕާކިސްތާނުގެ މީހަކު އެ ބައްޔަށް ޕޮޒިޓިވްވި ފުރަތަމަ ފަހަރު.
މިއަދަކީ ރާއްޖެ އިން ކޮވިޑް-19 އަށް އެންމެ ގިނަ މީހުން ޕޮޒިޓިވްވި ދުވަހަކަށް ވަނީ ވެފައި. އެޗްޕީއޭ އިން ރޭ ފަތިހު ބުނެފައިވާ ގޮތުގައި 36 މީހަކު ޕޮޒިޓިވްވި. އޭގެ ފަހުން ދެންމެ އިއުލާންކުރި 11 ކޭހާ އެކު މިއަދު އެކަނި ވެސް 47 މީހަކު މިވަނީ ކޮވިޑް-19 އަށް ޕޮޒިޓިވް ވެފައި. މީގެ ކުރިން އެއް ދުވަހެއްގައި ވެސް އެންމެ ގިނައިން ޕޮޒިޓިވްވީ 23 މީހުން. ރާއްޖެ އިން ޕޮޒިޓިވްވި މީހުންގެ ތެރޭގައި މިހާރު އެންމެ ގިނައީ ބަންގްލަދޭޝްގެ މީހުން. ދިވެހިންގެ 76 މީހަކު ކޮވިޑް-19 އަށް ޕޮޒިޓިވް ވެފައިވާއިރު ރާއްޖޭގައި މަސައްކަތް ކުރާ ބަންގްލަދޭޝްގެ މީހުންގެ ޖުމްލަ އަކީ 86.
ކޮވިޑް-19 އަށް އިތުރު 11 މީހަކު ޕޮޒިޓިވްވެއްޖެ ކަމަށް އެޗްޕީއޭ އިން ދެންމެ ބުނެފި. މި ފަހަރު ޕޮޒިޓިވްވީ ބަންގްލަދޭޝްގެ ނުވަ މީހަކާއި ދިވެހި އެކެއް އަދި އިންޑިއާގެ މީހެއް ކަމަށް އެ އިދާރާ އިން ބުނޭ. މިހާރު ރާއްޖެ އިން އެ ބައްޔަށް ޕޮޒިޓިވްވި މީހުންގެ ޖުމްލަ 188 އަށް ވަނީ އަރާފައި.
މާލެ އިން އިތުރު 36 މީހަކު ކޮވިޑް-19 އަށް ޕޮޒިޓިވްވެ، މުޅި ރާއްޖެ އިން އެ ބަލި ޖެހުނު މީހުންގެ އަދަދު 177 އަށް މިއަދު އަރައިފި އެވެ.
އެޗްޕީއޭ އިން މިރޭ ފަތިހު ކުރި ޓުވީޓެއްގައި ބުނީ، މި ފަހަރު އެ ބައްޔަށް ޕޮޒިޓިވްވީ ބަންގްލަދޭޝްގެ 29 މީހަކާއި ހަ ދިވެއްސަކާއި އިންޑިއާގެ އެކެކެވެ. މިއީ މިހާތަނަށް އެއްފަހަރާ މިހާ ގިނަ އަދަދެއްގެ މީހުން ކޮވިޑް-19 އަށް ޕޮޒިޓިވްވިކަން އެޗްޕީއޭ އިން އާންމުކުރި ފުރަތަމަ ފަހަރެވެ. މީގެ ކުރިން އެއް ދުވަހެއްގައި ވެސް އެންމެ ގިނަ އަދަދަކަށް ޕޮޒިޓިވް ވެފައި ވަނީ 23 މީހުން ކަން އެ އިދާރާގެ ހިސާބުތަކުން ދައްކަ އެވެ.
ކޮވިޑް-19 އަށް މި ފަހަރު ޕޮޒިޓިވް ވި 36 މީހުންގެ ތެރޭގައި ނުވަ އަހަރުގެ ދިވެހި އަންހެންކުއްޖަކު ވެސް ހިމެނެ އެވެ.
އެޗްޕީއޭ އިން ބުނީ، މި ފަހަރު ކޮވިޑް-19 އަށް ޕޮޒިޓިވްވި 36 މީހުންގެ ތެރެއިން 30 މީހަކު އުޅެމުން ދިޔައީ މީހުން ދިރިއުޅެން އެކަށީގެން ނުވާ ފެންވަރުގެ ތިން ގެއެއްގައި ކަމަށެވެ. އެހެންވެ، އެ މީހުން އައިސޮލޭޝަން ފެސިލިޓީ އަކަށް ބަދަލުކުރުމުގެ ކަންކަން ކުރިއަށް ގެންދާ ކަމަށް އެޗްޕީއޭ އިން ބުނެ އެވެ.
ފަހުން ކޮވިޑް-19 އަށް ޕޮޒިޓިވްވި މީހުންގެ ތަފުސީލުތައް އެޗްޕީއޭ އިން އަދި ހާމައެއް ނުކުރެ އެވެ. ކޭސްތަކުގެ ތަފްސީލްތައް އާންމުކޮށް ދެނީ ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ކޮންމެ ދުވަހަކު ބާއްވާ މީޑިއާ ބްރީފިންތަކުގަ އެވެ. މިއަދުގެ ފުރަތަމަ ބްރީފިން ތާވަލް ކޮށްފައި ވަނީ މެންދުރު 2:30 އަށެވެ. ދެވަނަ ބްރީފިން ބާއްވަނީ ރޭގަނޑު 9:30 ގަ އެވެ.
މާލެ އިން އިއްޔެ ކޮވިޑް-19 އަށް ޕޮޒިޓިވްވީ، 12 މީހެކެވެ.
1- ދިވެހިން- 75
2- ބަންގްލަދޭޝް- 75
3- އިޓަލީ- 11
4- އިންޑިއާ- 10
5- ސްރީ ލަންކާ- 2
6- އިނގިރޭސި ވިލާތް- 1
7- ޖަރުމަނު- 1
8- އެހެނިހެން- 2
މި މަހުގެ 15 ގައި މާލެ އިން އެ ބަލީގެ މީހަކު ފުރަތަމަ ފަހަރަށް ފެނުނު ފަހުން، ހާލަތު އިތުރަށް ވަނީ ސީރިއަސް ވެފަ އެވެ. އެ ދުވަހުން ފެށިގެން މިހާތަނަށް މާލެ އިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 100 ފަހަނަޅައިފަ އެވެ. މާލެ އިން އެ ބަލީގެ މީހަކު ފުރަތަމަ ފެނުނު ދުވަހުން ފެށިގެން މާލެ ސަރަހައްދު ލޮކްޑައުންކޮށް، ކޮވިޑް-19 ފެތުރުނަނުދިނުމަށް ފިޔަވަޅުތަކެއް އަޅާފައިވާއިރު، އެ ބައްޔަށް ޓެސްޓު ކުރުމުގެ ގާބިލްކަން ވެސް ވަނީ މިހާރު އިތުރުކޮށްފަ އެވެ. އައިޖީއެމްއެޗުގެ ލެބޯރެޓަރީގެ އިތުރުން ފުލުހުންގެ ލެބޯރެޓަރީގައި ވެސް މިހާރު ކޮވިޑް-19 އަށް ޓެސްޓު ކުރެ އެވެ.
ހެލްތު މިނިސްޓަރު އަބްދުﷲ އަމީން އިއްޔެ ބޭއްވެވި މީޑިއާ ބްރީފިންގައި ވިދާޅުވީ، ކޮވިޑް-19 އަށް ޕޮޒިޓިވްވެފައިވާ މީހުން ނެތް ކަމަށް ބެލެވޭ ތަންތަނުން ވެސް މި ބައްޔަށް މީހުން ޕޮޒިޓިވްވަމުންދާ ކަމަށެވެ. އޭނާ ވިދާޅުވި ގޮތުގައި، މުޖުތަމައުގައި މި ބަލި ފެތުރިފައި ވަނީ ކިހާ މިންވަރަކަށް ކަން ބެލުމަށްޓަކައި "ކޮމިއުނިޓީ ސާވައިލަންސް" އެއް ވެސް އަންނަނީ ހަދަމުންނެވެ.