28 ސެޕްޓެމްބަރ 2016 - 13:16
އއ. ތޮއްޑޫން ގިނަ އަދަދެއްގެ މުދާ ހިފައިގެން މާލެ އަށް ދަތުރުކުރި ދޯންޏެއް ކ. ކޮއްދިއްޕަރު ފަރަށް މިއަދު އަރައިފި އެވެ.
"އުއްމީދު" ނަމަކަށް ކިޔާ މުދާ އުފުލާ ދޯންޏެއް ފަރަށް އެރުމާ އެކު އެމްއެންޑީއެފުން މިހާރު އަންނަނީ ދޯނި ސަލާމަތް ކުރުމުގެ މަސައްކަތް ކުރަމުންނެވެ. މި ހާދިސާގައި އެ ދޯނީގެ އެއްވެސް މީހަކަށް ގެއްލުމެއް ނުލިބެ އެވެ.
ތޮއްޑޫ ކައުންސިލުން ބުނީ އެ ދޯނީގައި ހުންނާނީ އެ ރަށުން ބަރުކޮށްގެން ގެންދާ މޭވާ އާއި ތަރުކާރީ ކަމަށެވެ.
އަށްޑިހަ ފޫޓުގެ އެ ދޯނިން 13 މީހުން ދަތުރު ކަމަށާއި ދޯނި ފަރަށް އެރި ކަމުގެ މައުލޫމާތާ އެކު ޑައިވަރުންގެ ޓީމެއް އެ ސަރަހައްދަށް ފޮނުވާފައިވާ ކަމަށް އެމްއެންޑީއެފުން ބުންޏެވެ.