15 ޖުލައި 2019 - 13:04
ޕިރަމިޑުން އިންޑިއާގެ މަޝްހޫރު "ގޯ" ބްރޭންޑުގެ އުފެއްދުންތައް ރާއްޖެ އަށް ތައާރަފްކޮށްފި އެވެ.
މިދިޔަ ހަފްތާގެ ތެރޭގައި ރާއްޖެ އަށް ތައާރަފް ކުރި މި ބްރޭންޑުގެ އުފެއްދުންތަކުގެ ތެރޭގައި ޗީޒް އާއި ކިރު ހިމެނެ އެވެ. އެގޮތުން ޗީޒްގެ "ޓްރައޭންގަލް ޗީޒް" އާއި ޗީޒް ސްޕްރެޑް އަދި ޕިއްޒާ ޓޮޕިންސް ހިމެނެ އެވެ. ކިރުގެ ބާވަތްތަކުގެ ތެރޭގައި ބާދާމް ކިރާއި، ލައްސީ ފަދަ އުފެއްދުންތައް ހިމެނެ އެވެ.
ގޯ ބްރޭންޑުގެ ޗީޒް ސްޕްރެޑް އަކީ ސޭންޑްވިޗް ފަދަ ކާއެއްޗެހީގައި ބޭނުން ކުރެވޭނެ މީރު އުފެއްދުމެކެވެ. މި އުފެއްދުމަކީ 100 ޕަސެންޓު ގެރީގެ ކިރު ބޭނުންކޮށްގެން އުފައްދާފައިވާ ޗީޒެކެވެ. ޗީޒް ސްޕްރެޑްގެ ފްލޭވާތަކުގެ ތެރޭގައި "ފުލް ޕެޕާސް" އާއި "ގާލިކް އެންޑް ހޮޓް ޕެޕްރިކާ" ގެ އިތުރުން "އޮލިވް އެންޑް ހާބްސް" ހިމެނެ އެވެ. ޕިރަމިޑުން ލިބެން ހުންނަ ޓްރައޭންގަލް ޗީޒްތަކުގެ ތެރޭގައި ޓްރައޭންގަލް ޗީޒް ޕީސަސް އާއި ޓްރައޭންގަލް ޗީޒް ސަލައިސަސް ހިމެނެ އެވެ.
ޕިއްޒާ ޓޮޕިންގެ ތެރޭގައި ވެސް އެކި ފްލޭވާތަކުގެ ޓޮޕިންގްސް ހިމެނެ އެވެ. އެގޮތުން "އިޓާލިއަން ޕާސްތާ" އާއި "މެކްސިކަން ސްޓައިލް" އަދި "ޕިއްޒާ އިޓާލިއާނޯ" މިހާރު ޕިރަމިޑުން ލިބެން ހުންނާނެ އެވެ.
ގޯ ބްރޭންޑުގެ ކިރުގެ ބާވަތްތަކުގެ ތެރޭގައި ހިމެނޭ ބާދާމް ކިރާއި ލައްސީއަކީ ހަށިގަނޑަށް ގިނަ ފައިދާއެއް ލިއްބައިދޭ މާއްދާތައް އެކުލަވައިގެން އުފައްދާފައިވާ އުފެއްދުންތަކެކެވެ. އެގޮތުން ހަޖަމުގެ ނިޒާމް ދުޅަހެޔޮކޮށްދީ، ހަށިގަނޑުގެ ދިފާއީ ނިޒާމު ވަރުގަދަކޮށް ދޭ މާއްދާތައް މި ބުއިންތަކުގައި ހިމެނެ އެވެ.
އިންޑިއާގެ މި ބްރޭންޑަކީ ދުނިޔޭގެ އެކި ގައުމުތަކުގައި ކާމިޔާބު ބްރޭންޑެކެވެ. އެގޮތުން އެމެރިކާ، އޮސްޓްރޭލިއާ، ޖަޕާން، ކޮރެއާ ގެ އިތުރުން، އިތުރު 33 ގައުމެއްގައި މި އުފެއްދުންތައް ލިބެން ހުރެ އެވެ.