22 މެއި 2019 - 18:55
އައިޖީއެމްއެޗުން ދެމުން އައި އެތެރެހަށީގެ ހާއްސަ ބަލިތަކާއި ކުޑަކުދިންގެ ހާއްސަ ބަލިތަކުގެ އޯޕީޑީގެ ހިދުމަތް މާދަމާ އިން ފެށިގެން ދަރުމަވަންތަ ހޮސްޕިޓަލުން ދޭ ގޮތަށް ހަމަޖައްސައިފި އެވެ.
އައިޖީއެމްއެޗުން ބުނިގޮތުގައި މި ޚިދުމަތްތައް ދޭނީ ދަރުމަވަންތަ ހޮސްޕިޓަލުގެ ދެ ވަނަ ފްލޯއިންނެވެ.
އަލަށް ހެދި 25 ބުރީގެ މި ހޮސްޕިޓަލުގައި މިހާރު ހިންގަނީ ފިޒިއޮތެރަޕީ ޑިޕާޓްމެންޓާއި ސްޕީޗްތެރަޕީގެ ހިދުމަތެވެ.
އައިޖީއެމްއެޗުގެ ސީއީއޯ އިބްރާހިމް ސަލީމް ވިދާޅުވި ގޮތުގައި އަންނަ ޖުލައި މަހުގެ ތެރޭގައި ދަރުމަވަންތަ ހޮސްޕިޓަލުގެ މުޅި އިމާރާތް ބޭނުން ކުރަން ފަަށާނެ އެވެ.
މި މަހުގެ ތެެރޭގައި އޯޕީޑީގެ ހިދުމަތް ފަށަން ނިންމާފައިވާއިރު، ރޯދަ މަސް ނިމުމުން އެކްސްރޭ އާއި އެހެން ބައެއް ހިދުމަތްތައް ވެސް ބަދަލު ކުރަން ނިންމާފައިވާ ކަމަށް އޭނާ ވިދާޅުވެފައިވެ އެވެ. އޭގެތެރޭގައި، ސްޕޯޓްސް ތެރަޕީ އާއި އީއެންޓީ އާއި ލޮލުގެ ބަލިތަކަށް ޚާއްސަ ޑިޕާޓްމެންޓާއި ޑެންޓަލް ޑިޕާޓްމެންޓް ވެސް ހިމެނެ އެވެ.
އާ އިމާރާތް ޑިޒައިން ކޮށްފައި ވަނީ، އައިޖީއެމްއެޗުގައި އިމަޖެންސީ ފަރުވާދޭ ޑިޕާމްޓްމަންޓުން ނުކުމެގެން ގޮސް ދަރުމަވަންތަ ހޮސްޕިޓަލަށް ވަދެވޭ ގޮތަށެވެ.
އެ އިމާރާތުގެ ހުރިހާ މަސައްކަތެއް ނިންމައި، މި މަހުގެ ތެރޭގައި ސަރުކާރާ ހަވާލުކުރަން ޖެހެ އެވެ.