05 މެއި 2019 - 10:54
ރޯދަޔަށް ހާއްސަކޮށް މިފްކޯއިން ކަޓްލް ފިޝްގެ އާ އުފެއްދުންތަކެއް މާކެޓަށް ނެރެފި އެވެ.
މިފްކޯއިން ވަނީ އޭގެ ހަތަރު އުފެއްދުމެއް މާކެޓަށް ނެރެފަ އެވެ. އެއީ ކަނޑުތަކުގެ މުއްސަނދިކަން އެންމެ ފުރިހަމައަށް ބޭނުން ކުރުމުގެ ގޮތުން ފިޝަރީސް މިނިސްޓްރީން ކަޓުލް ފިޝް ނުވަތަ ތުތިބޯވަދިލަމަސް އާލާކުރުމަށް ހުޅުވާލި ފުރުސަތުގައި އެ މީހުން ބާނާ ކަޓުލް ފިޝް ބޭނުންކޮށްގެން ތައްޔާރުކޮށްފައިވާ އުފެއްދުންތަކެވެ.
ކަސްޓަމަރުންނަށް ފަސޭހައިން ތައްޔާރުކޮށްލެވޭނެ ގޮތަށް ތައްޔާރުކޮށްފައިވާ މި އުފެއްދުންތައް ހުރީ ބަންދުކޮށްފަ އެވެ.
ފަސްމީރު ބްރޭންޑުގެ އެހެން އުފެއްދުންތަކެކޭ އެއްގޮތަށް ކަޓުލް ފިޝްގެ އުފެއްދުންތައް މާލެއިންނާއި ހުޅުމާލޭ މަސްފިހާރައިން ވެސް ލިބޭނެ އެވެ.
މިފްކޯއިން މި ފާއިތުވެދިޔަ އަހަރުތަކުގައި ވެސް ރޯދަ މަހަށް ހާއްސަ އުފެއްދުންތައް ތައާރަފްކޮށްފައިވެ އެވެ.