24 މާޗް 2019 - 16:17
ވޮޝިންޓަން (މާޗް 24) - އެމެރިކާގެ ލޮސް އެންޖަލްސް އިންޓަނޭޝަނަލް އެއާޕޯޓުން މިދިޔަ ހަފުތާގައި ފުރި ޑެލްޓާ އެއާލައިންސްގެ މަތިންދާ ބޯޓު ދުއްވީ މަންމަ އާއި ދަރިފުޅުކަން އެނގުމާ އެކު އެތައް ބައެއްގެ ސަމާލުކަން ލިބިއްޖެ އެވެ.
އެޓްލާންޓާ އަށް ދަތުރު ކުރި ޑެލްޓާ ބޯއިން 757 ދުއްވީ ކެޕްޓަން ވެންޑީ ރެޒޮން އާއި އޭނާގެ ދަރިފުޅު ފަސްޓް އޮފިސަރު ކެލީ ރޮޒޮން އެވެ. ކޮކްޕިޓްގައި އެ ދެމައިން ތިބި ފޮޓޯއެއް ވޯލްޑްވައިލްޑް އެއަރޮނޮޓިކަލް ޔުނިވާސިޓީގެ ޗާންސެލާ ޑރ. ޖޯން ވަޓްރެޑް ޓްވީޓްކުރެއްވުމާ އެކު އެތައް ބައެއްގެ ސަމާލުކަން ވަނީ ލިބިފަ އެވެ. އެ ފޮޓޯ ވަނީ 17،000 ފަހަރު ރިޓްވީޓްކޮށް 40،000 އަށް ވުރެ ގިނަ ލައިކް ލިބިފަ އެވެ. ވަޓްރެޑް ވަނީ އެ ބޯޓުން ދަތުރުކޮށްފަ އެވެ.
ވެންޑީގެ އާއިލާގެ ގިނަ މެންބަރުންނަކީ ޕައިލެޓުންނެވެ. ވެންޑީގެ ބައްޕަ އަކީ ރިޓަޔާޑް ޕައިލެޓެކެވެ. އޭނާގެ ފިރިމީހާ އަކީ އެމެރިކަން އެއާލައިންސްގެ ޕައިލެޓެކެވެ. އެ މީހުންގެ ދެން ހުރި އަންހެން ދަރިފުޅު ކޭޓަކީ ވެސް ޕައިލެޓެކެވެ.