28 ނޮވެމްބަރ 2018 - 17:36
ރައީސް އޮފީހުގެ މަސައްކަތު ގަޑި އަކީ ހެނދުނު 8 އިން މެންދުރުފަހު 3 އަށް ކަމަށް ރައީސް އިބްރާހިމް މުހައްމަދު ސޯލިހް މިއަދު ހަމަޖައްސައިފި އެވެ.
ރައީސް އޮފީހުން ބުނީ އެގޮތަށް އަމަލުކުރަން ފަށާނީ އަންނަ އާދިއްތަ ދުވަހުން ފެށިގެން ކަމަށެވެ.
މިހާރު، ރައީސް އޮފީހުގެ މަސައްކަތު ގަޑި ނިމެނީ މެންދުރު 2:00 ގަ އެވެ. އެއީ މިހާރު ސަރުކާރުގެ ރަސްމީ މަސައްކަތު ގަޑި ނިމޭ ވަގުތު ވެސް މެ އެވެ.
ރައީސް އޮފީހުގެ ރަސްމީ ގަޑިއަށް އެއް ގަޑިއިރު އިތުރުކުރި ނަމަވެސް ސަރުކާރުގެ އާންމު މަސައްކަތު ވަގުތަކީ ކުރިއެކޭ އެއްގޮތަށް ހެނދުނު 8 ން މެންދުރު 2 އެވެ.