23 ނޮވެމްބަރ 2018 - 06:11
ބައެެއް ދާއިރާތަކުގައި ވަޒީފާ އަދާކުރާ މީހުންނަކީ މަސައްކަތުގެ ގޮތުން ރޭގަނޑު ވެސް ޑިއުޓީ ނަގަން ޖެހޭ މީހުންނެވެ. އެގޮތުން ޝިފްޓް ޑިއުޓީ ޖެހުމަކީ ދިރިއުޅުމުގެ ވައްޓަފާޅި އަށް ނޭދެވޭ އަސަރުކޮށް ސިއްހީ ގޮތުން ތަފާތު މައްސަލަތައް ކުރިމަތި ކުރުވާ ކަމެކެވެ. ހާއްސަކޮށް އަންހެނުންނަށެވެ.
އެމެރިކާ، އޮސްްޓްރޭލިއާ އަދި ޗައިނާގެ ރިސާޗަރުންގެ ޓީމަކުން ހެދި ދިރާސާއަކާ ހަވާލާދީ ބްރިޓިޝް މެޑިކަލް ޖާނަލްގައި ބުނީ ރޭގަނޑު ޝިފްޓް ޑިއުޓީ ނަގާ އަންހެނުންނަށް ޓައިޕް 2 ޑައިބެޓީޒްގެ ނުރައްކާ ބޮޑު ކަމަށެވެ. އެގޮތުން އާދަކޮށް ރޭގަނޑު ޑިއުޓީ ނަގާ އަންހެނުންނަށް ޓައިޕް 2 ޑައިބެޓީޒްގެ ނުރައްކާ 17 ޕަސަންޓް ބޮޑު ކަމަށް ދިސާރާގައި ބުންޏެވެ.
އޭގައި ފާހަގަކޮށްފައިވާ ގޮތުގައި ނަރުސްކަން ފަދަ ވަޒީފާތައް އަދާކުރާ އަންހެނުން ރޭގަނޑު ޑިއުޓީ ނެގުމަކީ ދުޅަހެޔޮ ދިރިއުޅުމަކަށް ބޭނުންވާ ވަރަށް ގިނަ ކަންކަމުން އަންހެނުން މަހުރޫމު ކުރުވާނެ ވާނެ ކަމެކެވެ.
އެގޮތުން ރޭގަނޑު ޝިފްޓް ޑިއުޓީ ނެގި 143,410 އަންހެނުން ބައިވެރިކޮށްގެން 1976-1989 އަށް ހެދި ދިރާސާއަކުން ދެއްކި ގޮތުގައި އޭގެ ތެރެއިން 10,915 އަންހެނުންކީ ޓައިޕް 2 ޑައިބެޓީޒް އަށް ފަރުވާ ހޯދަން ޖެހުނު މީހުންނެވެ.
މިކަމަށް މަގުފަހި ކުރުވާ ކަންކަމުގެ ތެރޭގައި ހަމަނިދި ނުލިމާއި ބަރުދަން އިތުރުވުމާއި ކަސްރަތު ނުކުރެވުމާއި ދުންފަތުގެ އިސްތިއުމާލު ކުރުން ފަދަ ކަންކަމަކީ ރޭގަނޑު ޝިފްޓް ކުރާ އަންހެނުންނަށް ދިމާވާ ކަމަށް ދިރާސާގައި ބުންޏެވެ.