24 ސެޕްޓެމްބަރ 2018 - 09:50
ވަންޕްލަސް ފޯނުތައް ހިންގަނީ "އެންޑްރޮއިޑް އޯއެސް" އިން ނެވެ. އެ މީހުން އެކަމަކު އެ އަށް ކިޔަނީ "އޮކްސިޖަން އޯއެސް" އެވެ. ބިންގަލަކީ އެންޑްރޮއިޑް ނަމަވެސް، ވަންޕްލަސް ފޯނުތަކަށް އެޅުމުގެ ކުރިން ވަރަށް ބޮޑެތި ބަދަލުތަކެއް އެންޑްރޮއިޑް އޯއެސް އަށް ގެނެވެ އެވެ. އޮކްސިޖަން އޯއެސް ކިޔާ ސަބަބަކީ މިއީ އެވެ.
"އެންޑްރޮއިޑް 9 – ޕައި" ގޫގުލް އިން އާންމުކުރީ އޯގަސްޓް 6، 2018 ގަ އެވެ. އެކަމަކު މިހާރު ވަންޕްލަސް ފޯނުތަކަށް "ޕައި" އަންނަނީ އެވެ. ވަންޕްލަސް އިން ބުނާ ގޮތުގައި ލަސްތަކެއް ނުވެ، ވަންޕްލަސް 6 އަށް، އޮކްސިޖަން އޯއެސް 9.0 އަންނާނެ އެވެ. މިއީ ގޫގުލް އެންޑްރޮއިޑް 9.0، ޕައި އެވެ.
ވަންޕްލަސް ފޯނުތަކުގައި ބޭނުންކުރުމަށް ނަން ބަދަލުކުރިއެއް ކަމަކު، އެންޑްރޮއިޑްގެ މައިގަނޑު ފީޗާތައް ބަދަލުވެގެން ނުދެ އެވެ. އެ ގޮތުގައި، "ނެވިގޭޝަން"، "ޖެސްޗާ"، އަދި އޯއެސް ސަޕޯޓްކުރާ މިންވަރަށް ބެޓެރީ ޗާޖުކުރެވުން ފަދަ ފަސޭހަތައް، ވަންޕްލަސް ފޯނުތަކަށް ހަމަ އެ ގޮތުގައި ލިބެ އެވެ.
އެންޑްރޮއިޑް އެހެން ފޯނުތަކާ ޚިލާފަށް ވަންޕްލަސް ފޯނުތައް ބެލެވެނީ ބޭނުންކުރަން ފަސޭހަ ފޯނުތަކެއް ގޮތުގަ އެވެ. ވަންޕްލަސް ކުންފުނިން، އޮކްސިން އޯއެސް އޮމާންކޮށްފައި ހުންނަލެއް ހިމުންކަމުން، ބޭނުންކުރާ މީހުންގެ އިނގިލިތައް ކައްސައިގެންދާ ވަރުވެ އެވެ.
އޮކްސިޖަން އޯއެސް އަށް ބަދަލުކުރުމުގައި ގޫގުލް އެންޑްރޮއިޑް އޯއެސް އިން، މުހިންމު ނޫން ބައިތަކެއް އުނިކުރެވެ އެވެ. ވަންޕްލަސް އިން ބުނި ގޮތުގައި މި ބަދަލުތަކާ އެކު ވަންޕްލަސް 3، ވަންޕަލަސް 3ޓީ، ވަންޕްލަސް 5 އަދި ވަންޕްލަސް 5ޓީ އަށް ވެސް ލިބޭނެ އެވެ. އެކަމަކު ފުރަތަމަ ވަންޕްލަސް 6 އެވެ.