06 ސެޕްޓެމްބަރ 2018 - 22:11
ލިލީ އިންޓަނޭޝަނަލް އިން ކުރިޔަށް ގެންދިޔަ "ކަވާން" ޕްރޮމޯޝަނުގެ ނަސީބުވެރިޔާއަށް އިނާމް މިއަދު ހަވާލުކޮށްފި އެވެ.
އެ ކުންފުނިން މިދިޔަ ޖުލައި މަހުގެ 30ގެ ނިޔަލަށް ކުރިޔަށް ގެންދިޔަ އެ ޕްރޮމޯޝަންގައި، "ކަވާން"ގެ އުފެއްދުންތައް ގަތުމުން ނަސީބުވެރިއަކަށް ހޮވުނު ފަރާތަށް ހަ މަސްވަންދެން ހިލޭ ކަވާންގެ އުފެއްދުންތައް ދޭ ގޮތަށް ހަމަޖައްސާފައިވެ އެވެ. އެ ޕްރޮމޯޝަންގެ ގުރުއަތުލުން ބޭއްވީ މިދިޔަ މަހުގެ 12 ވަނަ ދުވަހު އެވެ.
މި އިނާމް ލިބުނު ޒިފުޝާއަށް އިނާމް ހަވާލުކޮށްދިނީ ލިލީ އިންޓަނޭޝަނަލްގެ މެނޭޖަ ސޭލްސް އެންޑް މާކެޓިން ސުބީރު އެވެ.
އެ ކުންފުނިން އެތެރެކޮށް ވިއްކާ މަޝްހޫރު "ކަވާން"ގެ އުފެއްދުންތަކަކީ ރާއްޖޭގެ ގިނަ ބައެއްގެ މެދުގައި މަގުބޫލް އުފެއްދުމެކެވެ. އަދި މިއީ ސާފުތާހިރު އަދި އަތްމަތީ ކާނާ ތައްޔާރުކޮށްލަން ވަރަށް ފަސޭހަ އުފެއްދުމެކެވެ.
"ކަވާން"ގެ އުފެއްދުންތައް މާލޭގެ އެންމެ ބޮޑު ސުޕަމާކެޓްތަކާއެކު ޖުމްލަ 11 ފިހާރައަކުން ލިބެން ހުންނާނެ އެވެ. މިއީ މާކެޓްގައި ލިބެންހުރި އެހެން އުފެއްދުންތަކަށް ވުރެ މީރު އަދި ފަސޭހައިން ތައްޔާރުކޮށްލެވޭ އުފެއްދުމެކެވެ.