11 އޯގަސްޓް 2018 - 13:37
ހުޅުލޭގަައި އަލަށް ހެދި ނެރުގެ ފައިކައްޓަށް، ފެރީއެއް އަރައި އަޑިއަށް ގޮސްފި އެވެ.
އެމްއެންޑީއެފުން މިއަދު ބުނީ ރޭ ފަތިހު، މާލެއިން ފުރައިގެން ހުޅުލެއަށް ދިޔަ ފެރީ ނެރަށް އެރި އިރު އޭގައި ހަ މީހުން ތިބި ކަމަށެވެ. އެއީ ތިން ފަޅުވެރިންނާއި ތިން ފަސިންޖަރުންނެވެ. އެކަމަކު އެ ހާދިސާގައި އެއްވެސް މީހަކަށް އަނިޔާއެއް ނުވެ އެވެ.
އެމްއެންޑީއެފުން ބުނީ ނެރަށް އެރުމުގެ ސަބަބުން ދޯނީގެ ދިރުނބާކޮޅުން ތަންގަނޑެއް ނެއްޓި، އެކިވަރުގެ ގެއްލުން ލިބުނު ކަމަށެވެ. އެކަމަކު ދޯނި އަޑިއަށް ދިޔައީ ހުޅުލޭ ފަޅުތެރެއަށް ވަން ފަހުން ކަމަށް އެތަނުން ބުންޏެވެ.
އެމްއެންޑީއެފުން ބުނިގޮތުގައި ދޯނި ފުންކުރުމުގެ މަސައްކަތް އެތަނުން ދަނީ މިހާރު ކުރަމުންނެވެ.
ހުޅުލެއަށް އުޅަނދު ފަހަރު އާއްމުކޮށް ވަންނަން ބޭނުންކުރާ ނެރު ބަންދުކޮށް، އާ ނެރެއް ހުޅުވާފައިވަނީ މިދިޔަ މަހުގެ ކުރީކޮޅު އެވެ. ކުރީ ނެރު ބަންދު ކުރީ، މާލެ އާއި ހުޅުމާލެއާ ދެމެދު އަޅާ ބްރިޖްގެ މަސައްކަތް ނިމެން ވާއިރަށް އެއާޕޯޓުގައި ޕާކިން އޭރިއާއެއް ހަދަން އެ ސަރަހައްދު ހިއްކުމަށެވެ.
އާ ނެރު ހަދާފައިވަނީ ފެރީ ދޯނިތައް މިހާރު ކައިރީކުރާ ޖެޓީގެ ކުރިމަތިންނެވެ.