30 ޖުލައި 2018 - 12:13
ލިޓަސް އިން ސައިކަލް ގަންނަ ޒުވާނުންނަށް ހާއްސަ ޑިސްކައުންޓެއް ދޭ ޕްރޮމޯޝަނެއް ފަށައިފި އެވެ.
ރާއްޖޭގައި ފުޅާ ދާއިރާއެއްގައި ސައިކަލު ވިޔަފާރިކުރާ ކުންފުނިން، "ޕިކް ޔުއާ ރައިޑް"ގެ ނަމުގައި މިދިޔަ ބުދަ ދުވަހު ފެށި ޕްރޮމޯޝަން އަންނަ އޯގަސްޓް މަހުގެ ނިޔަލަށް ކުރިޔަށް ގެންދަން ވަނީ ނިންމައިފަ އެވެ.
"އަޅުގަނޑުމެން ބޭނުންވޭ ކޮންމެ ޒުވާނަކަށް އެންމެ ފަހުގެ ސައިކަލެއް ހޯދައިދޭން. ސައިކަލަކީ މިހާރު ކޮންމެ މީހަކަށް ވެސް އަސާސީ އެއްޗަކަށް ވަނީ ވެފައި،" އެ ކުންފުނީ ސީނިއާ ސޭލް އެންޑް މާކެޓިން މެނޭޖަރު އާސިފް ރަޝީދު ވިދާޅުވި އެވެ.
އެ ކުންފުނިން ނިންމާފައި ވަނީ އުމުރުން 18 އަހަރާއި 25 އަހަރާ ދެމެދުގެ ޒުވާނަކަށް 4،000ރ. ގެ ޑިސްކައުންޓެއް ދިނުމަށެވެ. އަދި އުމުރުން 26 އަހަރާއި 35 އަހަރާ ދެމެދުގެ ޒުވާނަކަށް 3،500ރ. އޭގެ އިތުރުން 36 އަހަރުން މަތީ މީހުންނަށް 2،500ރ. ގެ ޑިސްކައުންޓެއް ވެސް ދޭން ނިންމާފައިވެ އެވެ.
ލިޓަސް އިން ބުނީ އެ ޕްރޮމޯޝަންގެ ދަށުން ލިޓަސްގެ ހުރިހާ ތަނަކުން ވެސް ޑިސްކައުންޓް ލިބޭނެ ކަމަށެވެ.