22 މެއި 2018 - 09:20
ހޮލީވުޑްގެ ބަތަލާއިންގެ ލޫޅާފަތި ކަމުގެ ވާހަކަތަކާ އެކު، އެ މީހުން ކެއުމުގެ ވައްޓަފާޅި ގެންގުޅޭ ގޮތަށް ވެސް ބައެއް މީހުން ވަރަށް ޝައުގުވެރިވެ އެވެ. "ޕާލް ހާބާ" އާއި "ޑެއާޑެވިލް" ފަދަ ފިލްމްތައް ކުޅެފައިވާ ބަތަލާ ޖެނިފާ ގާނާ، 46، އަކީ އަބަދު ވެސް ކެއްކުމަށް ވަރަށް ލޯބިކުރާ މީހެކެވެ.
މަޝްހޫރު އެކްޓަރު ބެން އެފްލެކްގެ ކުރީގެ އަންހެނުން އަދި ތިން ކުދިންގެ މަންމަ ވަނީ އޭނާގެ އަމިއްލަ ޝޯ "ޕްރެޓެންޑް ކުކިން ޝޯ" ގައި ކެއްކުމުގެ ހުނަރު ދައްކާލައިފަ އެވެ. އަދި މި ފަހަކަށް އައިސް ޖެނިފާ އަންނަނީ ބަދިގޭގެ ބައެއް ތަޖުރިބާތައް އިސްޓަގްރާމް މެދުވެރިކޮށް ފޭނުންނާ ހިއްސާ ކުރަމުންނެވެ.
ޖެނިފާ ބުނި ގޮތުގައި އޭނާ އެންމެ ގިނައިން ތައްޔާރުކުރާ ޑިޝް އަކީ ރޯސްޓް ލެމަން ޗިކެން ސުޕް އެވެ. މިއީ މާޓާ ސްޓެވާޓްގެ ރެސިޕީތަކުގެ ތެރެއިން އެތައް އަހަރެއް ވަންދެން އޭނާ ފޮލޯކުރަމުން އަންނަ ރެސިޕީއެކެވެ.
އިސްޓަގްރާމްގައި މީގެ ރެސިޕީ އާއި ތައްޔާރު ކުރާނެ ގޮތް ހިއްސާ ކުރަމުން ޖެނިފާ ބުނީ މިއީ ވަރަށް ކަމުދާނެ އެއްޗެއް ކަމަށެވެ.