21 މެއި 2018 - 13:10
ރޯދަ މަހަށް ހާއްސަކޮށްގެން އޭޑީކޭ ޖެނަރަލް ޓްރޭޑިން (ޖީޓީ)ން "ބަދިގެ މޮމަންޓްސް"ގެ ނަމުގައި ޕްރޮމޯޝަނެއް ފަށައިފި އެވެ.
އޭޑީކޭ އިން ބުނީ ޕްރޮމޯޝަން ކުރިއަށް ގެންދާނީ ދެ ކެޓަގަރީ އަށް ބަހާލައިގެން ކަމަށެވެ. އެގޮތުން ކުރިޔަށް ގެންދަނީ 12 އަހަރުން ދަށުގެ ކުދިންނާއި 13 އަހަރުން މަތީގެ ކުދިންނަށެވެ.
ޕްރޮމޯޝަނުގައި ބައިވެރިވެވޭނީ، ރޯދަ ވީއްލަން ކާއެއްޗެތި ތައްޔާރުކުރާ މަންޒަރު ފެންނަ ގޮތަށް ހަދާފައި ހުންނަ ފޮޓޯ ކޮލާޖެއް ނުވަތަ ކުރު ވީޑިއޯއެއް ފޭސްބުކަށް ނުވަތަ ޓުވިޓާއަށް ލައިގެންނެވެ. ފޮޓޯ ކޮލާޖު ނުވަތަ ވީޑިއޯ ތައްޔާރު ކުރަން ޖެހޭނީ އެ ކުދިން އަމިއްލަ އަށެވެ.
ފޭސްބުކާއި ޓްވިޓާގައި އެކައުންޓެއް ނެތް ކުއްޖެއްނަމަ، ބެލެނިވެރިންގެ އެކައުންޓުން އެ އެއްޗެހި ޝެއާ ކުރެވިދާނެ އެވެ. އެ ވީޑިއޯތައް ފޭސްބުކާއި، ޓުވިޓާގައި ޝޭއާކުރާއިރު badhigemoments ހޭޝްޓެގް ޖަހަން ޖެހޭނެ އެވެ.
ކޮންމެ ކެޓަގަރީ އަކުން ވެސް އެންމެ ބޮޑު ތަރުހީބެއް ލިބޭ ވީޑިއޯ ނުވަތަ ފޮޓޯ ކޮލާޖު ތައްޔާރުކުރާ ކުއްޖާ އަށް އިނާމެއްގެ ގޮތުގައި 5،000ރ. ދޭނެ އެވެ. އޭޑީކޭ އިން ބުނީ، ރޯދަ މަހުގެ ނިޔަލަށް ކުރިއަށް ގެންދާ ޕްރޮމޯޝަން ނިމޭތާ ހަތް ދުވަހުގެ ތެރޭގައި އިނާމު ހަވާލު ކުރާނެ ކަމަށެވެ.
"ރޯދަ ކޮންބޯ ޕްރޮމޯޝަން"ގެ ނަމުގައި ވެސް އެޑީކޭ ޖީޓީ ސޯސަންމަގު ފިހާރަ އިން ވަނީ ވަރަށް ހާއްސަ ޕްރޮމޯޝަނެއް ފަށައިފަ އެވެ.