25 އެޕްރީލް 2018 - 16:50
މެޕްސް ކޮލެޖުގެ ދަރިވަރުންގެ ޖަމިއްޔާ އިން "ވަންޑޭ ފުޓްސަލް ކަޕް" އެއް ބާއްވަން ނިންމައިފި އެވެ.
އެ ޖަމިއްޔާގެ ރައީސް އިބްރާހިމް ލިރާރު މިއަދު ވިދާޅުވީ، މެޕްސް ކޮލެޖު ފުޓްސަލް ކަޕްގައި، އެ ކޮލެޖުގެ އިތުރުން މެޕްސް އިންޓަނޭޝަނަލް ހައި ސްކޫލް ދަރިވަރުންގެ 10 ޓީމެއް ބައިވެރިވެފައިވާ ކަމަށެވެ. އޭގެ ތެރޭގައި އެ ކޮލެޖުގެ އަންހެން ދަރިވަރުންގެ ތިން ޓީމު ހިމެނެ އެވެ.
ލިރާރު ވިދާޅުވި ގޮތުގައި، ދަރިވަރުންގެ މެދުގައި ގުޅުން ބަދަހި ކުރަން ބާއްވާ މުބާރާތް އޮންނާނީ އަންނަ ހުކުރު ދުވަހު އެވެ. ގްރޭޓާ މާލެ އިންޑަސްޓްރިއަލް ޒޯން ކުންފުނިން ސްޕޮންސާ ކޮށްފައިވާ އެ މުބާރާތުގެ ފައިނަލް ވެސް އޮންނާނީ އެ ދުވަހު އެވެ.
"ދަރިވަރުންގެ ގުޅުން ބަދަހިކުރުން މި މުބާރާތް ބޭއްވުމުގެ މަގުސަދަކީ. މޮޅުވާ ޓީމަކަށް ޓްރޮފީގެ އިތުރުން ފައިސާގެ އިނާމު ލިބިގެންދާނެ،" ލިރާރް ވިދާޅުވި އެވެ.
މެޕްސް ކޮލެޖު ފުޓްސަލް ކަޕް ބާއްވަމުން އަންނަތާ ގިނަ އަހަރުތަކެއް ވެއްޖެ އެވެ. އެކަމުގެ މަގުސަދު ހާސިލްވަަމުން އަންނަ ކަމަށް އެ މުބާރާތް ބާއްވާ ދަރިވަރުންގެ ޖަމިއްޔާ އިން ބުންޏެވެ.