09 އެޕްރީލް 2018 - 15:42
ވައިގެ މަގުން އައްޑު އަށް މަސްތުވާތަކެތި އެތެރެކުރި، ކުޑަ ކުއްޖަކު މިދިޔަ ހޮނިހިރު ދުވަހު ހައްޔަރުކޮށްފި އެވެ.
ހައްޔަރުކުރީ 18 އަހަރުން ދަށުގެ ކުއްޖެއްކަން ހާމަ ކުރި ނަމަވެސް އޭނާގެ ވަނަވަރެއް އަދި އޭނާގެ ބަންދާ މެދު ކޯޓުން ނިންމި ގޮތެއް ވެސް ފުލުހުން ނުބުނެ އެވެ.
ފުލުހުން ބުނީ ހޮނިހިރު ދުވަހުގެ ރޭ ދަންވަރު 1:00 ހާއިރު އެ ކުއްޖާ ހައްޔަރުކޮށް ބަލައި ފާސްކުރި އިރު އެ ކުއްޖާގެ އަތުން މަސްތުވާތަކެތި ކަމަށް ޝައްކުކުރެވޭ އެއްޗެއް ހުރި ބޮޑު ދެ ރަބަރު ޕެކެޓް ފެނިފައިވާ ކަމަށެވެ.
އެއީ ކޮން ބާވަތެއްގެ މަސްތުވާތަކެއްޗެއް ކަމެއް އަދި އޭގެ ބަރުދަނެއް ފުލުހުން ހާމައެއް ނުކުރެ އެވެ.
އެ މައްސަލަ ފުލުހުން ދަނީ ތަހުގީގު ކުރަމުންނެވެ.