20 ޖުލައި 2016 - 05:24
ޓައިގާ ޝްރޮފް ސުޕަހީރޯއެއްގެ ރޯލު ކުޅެފައިވާ "ފްލައިން ޖެޓް"ގެ ފުރަތަމަ ޓްރެއިލާ އިއްޔެ ނެރެފި އެވެ. ޖެކްލީން ފެނާންޑިސް ބަތަލާގެ ރޯލު އަދާކޮށްފައިވާ މި ފިލްމުގައި ތަންކޮޅެއް ކުރީގެ މަޝްހޫރު ބަތަލާއެއް ކަމަށްވާ އަމްރިތާ ސިންގް ޓައިގާގެ މަންމަގެ ރޯލުން ފެނިގެންދާނެ އެވެ.
"ފްލައިން ޖެޓް"ގައި ނުބައިބައި ރޯލު އަދާކުރަނީ ނަތަން ޖޯންސް އެވެ.
ޓްރެއިލާ ބަލާފައި ލަފާކުރެވެނީ ފިލްމު މަޖާވެފައި އެކްޝަން މަންޒަރުތައް ވަރަށް ގިނަވާނެ ކަމަށެވެ.
އަންނަ އޮގަސްޓް މަހުގެ 25 ވަނަ ދުވަހު ރިލީޒްކުރަން ހަމަޖެހިފައިވާ "ފްލައިން ޖޭޓް" ޑައިރެކްޓްކޮށްފައިވަނީ ރޭމޯ ޑިސޫޒާ އެވެ. ޕްރޮޑިއުސަރަކީ ބާލާޖީ މޯޝަން ޕިކްޗާޒް އެވެ.
ފިލްމުގެ ޓްރެއިލާ ލޯންޗުކުރުމުގެ ރަސްމިއްޔާތުގައި ވާހަކަދައްކަމުން ރޭމޯ ބުނި ގޮތުގައި މި ފިލްމުގައި ޓައިގާގެ "ބާޣީ" ބަތަލާ ޝްރައްދާ ކަޕޫރު މެހެމާން ރޯލެއް ހިމެނެ އެވެ.