26 މާޗް 2018 - 06:31
މި ވީޑިއޯގައި މި ފެންނަނީ ޗައިނާގެ ޓިއާންޖިން ޒުލުގައި އޮތް ރާމާމަކުނެކެވެ. އުމުރުން 18 އަހަރެވެ. އިންޓަނެޓްގައި މި ވީޑިއޯ ވަރަށް ބޮޑަށް ވައިރަލްވެފައިވާ އިރު، ގިނަ ބަޔަކު ބުނަނީ އެ މަކުނު އިންސާނަކާ ވަރަށް ވައްތަރު ކަމަށެވެ.
ވީޑިއޯ އިން ފެންނަ މަކުނު ކެމެރާއާ ދިމާއަށް ބަލަހައްޓައިގެން "ކޮސްވެފައި" އިން އިރު، އެއް ބަޔަކު ބުނަނީ، އެ މަކުނު އިންސާނަކާ ވައްތަރު ވަނީ މޫނުގެ ބައްޓަން ހުރި ގޮތުންނާއި މޫނުމަތީގެ ސިފަތައް ވެސް ހުރި ގޮތުން ކަމަށެވެ. އެގޮތުން ލޮލާއި އަނގަ އެ ހުރީ އިންސާނަނާ ދާދި އެއްގޮތަކަށް ކަމަށް ބުނެ ވަރަށް ގިނަ މީހުން ކޮމެންޓްކޮށްފައިވެ އެވެ.
އަމިއްލަ އަށް ވީޑިއޯ ބަލާފައި ގޮތެއް ނިންމަމާ ހިނގާށެވެ.
އިންސާނުންނާއި ރާމާމަކުނާ ގުޅުވައިގެން ދައްކާ ފާޑުފާޑުގެ ވާހަކަ އެބަހުއްޓެވެ. މި ޖަނަވާރަށް ބަލާ އިރު، އިންސާނުންނާ އެންމެ ބޮޑަަށް އަޅާކިޔޭ އެއް ސަބަބަކީ އިންސާނުން "އުޅޭހެން" ބައެއް ފަހަރު މަކުނު އުޅުން ކަމަށްް ވެދާނެ އެވެ.