25 މާޗް 2018 - 17:01
ސާނަވީ ގްރޭޑުތަކުގައި ކިޔަވަމުން އަންނަ ދަރިވަރުންނަށް އެކި މާއްދާތަކުގައި ހިލޭ ސާބަހަށް އެހީތެރިވާން ކްލިކް ކޮލެޖުން ތައްޔާރުވެއްޖެ އެވެ.
އެ ކޮލެޖުން ބުނީ ގްރޭޑް 8 ،9 އަދި 10ގެ ދަރިވަރުންނަށް އަމާޒުކޮށް ފަށާ ކްލާސްތަކުގެ ބޭނުމަކީ، އޯ ލެވެލްގެ ނަތީޖާ ރަނގަޅުކުރަން އެހީތެރިކަން ފޯރުކޮށްދިނުން ކަމަށެވެ.
ސާނަވީ ތައުލީމް ނިންމައި މަތީ ތައުލީމްގެ އެކި ފުރުސަތުތަކަށް ފަސޭހަކަމާ އެކު ދެވޭނެ މަގު ފަހި ކޮށްދިނުމަކީ ވެސް، އެ ހަރަކާތުގެ ބޭނުމެއް ކަން އެ ކޮލެޖުން ބުންޏެވެ.
ކްލިކް ކޮލެޖުން މި ހަރަކާތް ހިންގާނީ، އެ ކޮލެޖުގެ ލެކްޗަރާއިންގެ އެހީގަ އެވެ. އެގޮތުން ހަވީރާއި ރޭގަނޑުގެ އެކި ދަންފަޅިތަކަށް ބަހާލައިގެން ކްލިކް ކޮލެޖުގައި ކްލާސްތައް ނަގަން ވަނީ ހަމަޖައްސައިފަ އެވެ.
ސާނަވީ ގްރޭޑުތަކުގެ އެކި މާއްދާތަަކަށް ވަކިވަކިން ގަޑިތައް ހަމަޖެއްސުމަށް ފަހު ކްލިކް ކޮލެޖުގެ ފޭސްބުކް މެދުވެރިކޮށް ކްލާސްތަކުގައި ބައިވެރިވެވޭނެ އެވެ.
މިއީ ހިލޭ ސާބަހަށް މިހާ ފުޅާ ދާއިރާއެއްގައި ގެންދާ މި ފަދަ ފުރަތަމަ ހަރަކާތެެވެ.