16 ފެބުރުއަރީ 2018 - 07:54
ފިޓްބިޓް އިން "ކްލައުޑް ހެލްތު ކެއާ" ކުންފުންޏެއް ގަނެފި އެވެ. ނަމަކީ "ޓްވައިން ހެލްތް" އެވެ. މިއީ އެއް ބަޔަކަށް ބޮޑު ޚަބަރެކެވެ. އަނެއް ބަޔަކަށް އެއްވެސް މައުލޫމާތެއް ލިބިފައި ނެތް، ތަނެއް ދޮރެއް ނެނގޭ ޒާތުގެ ވާހަކައެކެވެ.
ފިޓްބިޓަކީ ހަމަ މި ނަމުގައި "ސްޕޯޓްސް ހެލްތު ގެޖެޓް"ތައް އުފައްދާ ކުންފުންޏެކެވެ. އޭގެ ތެރޭގައި އެކްޓިވިޓީ ޓްރެކާ، ވަޔަލެސް ޖެކެޓް އަދި ޓެނިސް ހިމެނެ އެވެ. މި އާލާތްތަކުން ކޮށްދޭ ކަންތައްތަކުގެ ތެރޭގައި، ހިތުގެ ވިންދު ބެލުން، ފިޔަވަޅު ގުނުން، ސިޑި އަށް އަރާއިރު ހަރުފަތްތައް ގުނައިދިނުން އަދި ނިދި ދަރަޖަކުރުން ހިމެނެ އެވެ.
ޓްވައިން ހެލްތަކީ ދުވަހަކު ވެސް އަޑުއެހި ނަމެއް ނޫނެވެ. ނަން މުހިންމު ނުވި ނަމަވެސް، ކުންފުނިން ކުރާ މަސައްކަތްތަކުގެ ސަބަބުން ޓްވައިން ހެލްތްގެ ވާހަކަ ދައްކަން ޖެހުނީ އެވެ. އެކަމަކު ވެސް، ޑިޖިޓަލް ހެލްތާ ބެހޭ ގޮތުން ކޮންމެސް އެއްޗެއް އެނގޭ ނަމަ، ޓްވައިން ހެލްތާ ބެހޭ ގޮތުން އެނގިގައި އޮތުން ވެސް އެކަށީގެން ވެ އެވެ.
ޓްވައިން ހެލްތްގެ މައިގަނޑު މަސައްކަތަކީ "ކްލައުޑް ހެލްތް ކެއާ" އެވެ. ދުނިޔޭގައި ވާހައި ބައްޔަކާ ބެހޭ ގޮތުން ހޯދައި، އޮންލައިން ސާވާތަކުގައި ރައްކާކޮށް، އެ މައުލޫމާތަށް އެދޭ މީހުންނަށް ފޯރުކޮށްދިނުމެވެ. އަދި ގުޅުން ހުރި ޑޮކްޓަރުން ހޯދައިދިނުމާއި ނަސޭހަތާއި ފަރުވާއާ ބެހޭ ގޮތުން މައުލޫމާތުދިނުމެވެ.
ފިޓްބިޓުން ޓްވައިން ހެލްތް ގަތުމަކީ ފިޓްބިޓް ގެޖެޓްތައް ބޭނުންކުރާ މީހުންނަށް ލިބޭނެ އުފަލަކަށް ވާނެ އެވެ. ސަބަބަކީ ފިޓްބިޓް ޑިވައިސްތައް މެދުވެރިކޮށް ސިއްހީ އެހީތެރިކަން ލިބޭނެތީ އެވެ.
މިއީ ކްލައުޑް ހެލްތް ކެއާ ދާއިރާއިން އެޕަލް އަށް ސިހުން ލިބޭނެ މުއާމަލާތަކަށް ވާނެ އެވެ. މި ދާއިރާގައި ގަދަ ބާރަކަށް ވުމަށް އެޕަލުން ބޮޑެތި އަދަދުން ވަނީ އިންވެސްޓްކޮށްފަ އެވެ. އެޕަލް އަކީ އެހެން ބަޔަކަށް ވާދަނުކުރެވޭޭ ފެންވަރަށް ކުރިއަރަން އެދޭ ކުންފުންޏެކެވެ.