11 ފެބުރުއަރީ 2018 - 18:12
އެސިސްޓެންޓް ކޮމިޝަނަރު އޮފް ޕޮލިސް (އޭސީޕީ) ގެ މަގާމަށް ހަމްދޫން ރަޝީދު މިއަދު ހަމަޖައްސަވައިފި އެވެ.
ޗީފް ސުޕްރިންޓެންޑެންޓުގެ މަގާމުގައި މިހާތަނަށް ހުންނެވި ހަމްދޫން އޭސީޕީ ކަމަށް ޕްރޮމޯޓް ކުރިއިރު އޭނާ އަކީ ޕަބްލިކް ސޭފްޓީ އެންޑް ސެކިއުރިޓީ އޮޕަރޭޝަންގެ އެންމެ އިސްވެރިޔާ އެވެ.
ފުލުހުންގެ ޚިދުމަތުގައި ހަމްދޫން މަސައްކަތް ކުރައްވާތާ 20 އަހަރަށް ވުރެ ގިނަ ދުވަސް ވެފައިވާއިރު، އޭނާ އަކީ މިހާތަނަށް މުހިންމު ބައެެއް ތަހުގީގުތަކުގައި ވެސް އިސް ދައުރެއް އަދާކުރައްވާފައިވާ އިސް އޮފިސަރެކެވެ.
އެސިސްޓެންޓް ކޮމިޝަނަރު އޮފް ޕޮލިސްގެ މަގާމުގައި މިހާރު ހަމްދޫނާއެކު ހަތް ބޭފުޅަކު ތިއްބަވަ އެވެ.
ރާއްޖޭގައި މިހާރު ހިނގަމުންދާ ސިޔާސީ ހަމަނުޖެހުމުގެ ތެރެއިން، ރައީސް އަބްދުﷲ ޔާމީން ދާދި ފަހުން ވަނީ ޕޮލިސް ކޮމިޝަނަރުގެ މަގާމުން އަހުމަދު އަރީފް އަދި ޑެޕިއުޓީ ކޮމިޝަނަރު ކަމުން އަހުމަދު ސައުދީ ވަކިކުރައްވައިފަ އެވެ.
ފުލުހުންގެ އިދާރާ ހިންގުން މިހާރު ހަވާލު ކުރައްވާފައި ވަނީ ޑެޕިއުޓީ ކޮމިޝަނަރު އަބްދުﷲ ނަވާޒްއާ އެވެ.