24 ޖެނުއަރީ 2018 - 12:18
އާ ފްލެޓްތަކަށް ބަދަލުވާއިރު ބަދިގެއަށް ބޭނުންވާ ސާމާނު ހާއްސަ އަގުތަކެއްގައި އެސްޓީއޯ ހޯމް އިމްޕްރޫވްމަންޓުން ވިއްކަން ފަށައިފި އެވެ.
އެސްޓީއޯ އިން ބުނީ ބަދިގެ ސާމާނުގެ ތެރޭގައި ހިޓާޗީ ފްރިިޖާއި ދޮންނަ މެޝިނާއި ފިލިޕްސްގެ ބަދިގެ ސާމާނުގެ ތެރޭގައި ހިމެނޭ ޓެކްނޯ ބްރޭންޑްގެ އުދުނާއި އަވަނާއި ހުޑާއި ފިލިޕްސް ބްރޭންޑްގެ ބަދިގެ ސާމާނު އަދި ހިޓާޗީގެ ޓީވީ އާއި އޭސީގެ އިތުރުން އެހެން ސާމާނުތައް ވެސް ވަރަށް ހާއްސަ އަގުތަކެއްގައި މިހާރު ލިބޭނެ ކަމަށެވެ. އަދި އޭގެ އިތުރުން ފްރިޖެއް ގަތުމުން އެހެން ހުރިހާ ސާމާނެއް ހުޅުމާލޭގެ ގެއަށް ހިލޭ ގެންގޮސްދޭނެ ކަމަށް ވެސް އެ ކުންފުނިން ބުންޏެވެ. އެ ކުންފުނިން މިހާރު ވެސް މާލޭގެ ކޮންމެ ތަނަކަށްވެސް ފްރިޖް ހިލޭ ގެންގޮސްދެ އެވެ.
އެސްޓީއޯއިން ބުނިގޮތުގައި މި ހާއްސަ އަގުތަކާއި އެކީ ހިލޭ ގެންގޮސްދޭނީ އަންނަ މާޗް 15ގެ ނިޔަލަށެވެ.
އެސްޓީއޯ ހޯމްއިމްޕްރޫވްމަންޓްއިން ވިއްކާ ހުރިހާ ބްރޭންޑަކަށް ވެސް އަންނަނީ ހަ މަސް ދުވަހުގެ ވޮރަންޓީ ވެސް ދެމުންނެވެ.
އެސްޓީއޯއަކީ ޕިލިޕްސް، ހިޓާޗީ، މަކިޓާ، ނިޕޯން ގެ އޮތޮރައިޒްޑް ޑިސްޓްރިބިއުޓަރެވެ. އަދި މިދިޔަ އަހަރު ޓެކްނޯ އަދި ކޯނޭގެ އޮތޮރައިޒްޑް ޑިސްޓްރިބިއުޓަރު ކަމަށް ވެސް ވަނީ ހަމަޖައްސާފަ އެވެ.