15 ޖެނުއަރީ 2018 - 06:16
އިންޑިއާގެ ޖައިޕޫރުގައި އުޅޭ ސަންހީތާ އަގަރްވާލަކީ މައިންބަފައިންނަށް އަޅާލުމުގައި ނަމޫނާއެކެވެ. ހިންދުސްތާން ޓައިމްސްގައިވާ ބުނެފައިވާ ގޮތުގައި ސަންހީތާ ވަނީ ބައްޕަ މަރުވެ މަންމަ އެކަނިވުމުން މަންމަ އެހެން ކައިވެންޏެއް ކުރުވައިފަ އެވެ. އެވެސް އާއިލާ އާއި ހިސާބުގަނޑު މީހުންގެ ފާޑުކިޔުމާ ދެކޮޅަށެވެ.
ސަންހީތާގެ ބައްޕަ ހިތް ހުއްޓިގެން ކުއްލިއަކަށް މަރުވީ 2016 ގަ އެވެ. އެއާ އެކު އޭނާގެ 53 އަހަރުގެ މަންމަ ޑިޕްރެޝަންގެ ޝިކާރައަކަށް ވި އެވެ. މި މައްސަލަ ދުވަހެއް ދުވަހަކަށް ބޮޑުވަމުން ގޮސް މަންމަގެ ސިއްހަތަށް ނޭދެވޭ އަސަރުތައް ކުރަން ފެށި އެވެ.
ވަޒީފާ އަދާކުރުމަށް ސަންހީތާ އެހެން އަވަށަކަށް ދިއުމާ ގުޅިގެން އޭނާގެ މަންމަ މާ ބޮޑަށް އެކަނިވެ ޑިޕްރެޝަންގެ މައްސަލަތައް މާބޮޑަށް ގޯސްވި އެވެ. އެހެންވެ މަންމަ އެކަނި ބަހައްޓާފައި ދިއުމަކީ އޭނާއަށް ކުރަން އުނދަގޫ ކަމަކަށްވި އެވެ. އެހެންވެ މަންމަގެ ދެ ވަނަ ކައިވެންޏެއް ކުރުވަން ސަންހީތާ މަސައްކަތް ފެށި އެވެ. އެހެންވެ، ކައިވެނިކުރާނެ މީހުން ހޯދައިދޭ ވެބްސައިޓަކަށް މަންމަގެ ޕްރޮފައިލް އޮންލައިން ފޮނުވި އެވެ.
މަންމަ އާ ކައިވެނިކުރާނެ މީހަކު ވަރަށް ފަސޭހައިން ލިބުނެވެ. ކޭޖީ ގުޕްތާ ކިޔާ މި މީހާގެ އަންހެނުން ވަނީ ކެންސަރު ބަލީގައި 2010 ގައި މަރުވެފަ އެވެ. އެހެންވެ އޭނާވެސް ހުރީ ދެ ވަނަ ކައިވެންޏެއް ކުރަން ބޭނުންވެފަ އެވެ.
ކައިވެނީގެ ކުރިން ސަންހީތާ ވަރަށް ބޮޑަށް ބަލިވެ ރަހިމު ނަގަން ޖެހުނެވެ. ބަލިވެ އުޅުނު ދުވަސްތަކުގައި ވެސް ގުޕްތާގެ އަޅާލުން ވަރަށް ބޮޑަށް ލިބުނެވެ.
ސަންހީތާއަށް ގުޕްތާ އަކީ މަންމައާ ކައިވެނިކުރުވަން ރަނގަޅު މީހެއް ކަމަށް ގަބޫލުކުރެވުނަސް ވަރަށް މަންމަ އާއި ދައްތަ ޖެހިލުންވި އެވެ. ނަމަވެސް މަންމަ ބަލިވެ އުޅުނު ދުވަސްވަރު އެހާ ރަނގަޅަށް ކަންތައްތައް ކޮށްދިން މީހަކު މަންމަ ރަނގަޅަށް ބަލާނެކަމަށް ސަންހީތާ އާއި ސާކްޝީ އަށް ވެސް ފަހުން ޔަގީން ކުރެވުނެވެ. އެހެންވެ އެ ދެބެންވެގެން މަންމަ އާއި ގުޕްތާގެ ކައިވެނި މިދިޔަ ޑިސެމްބަރު މަހު ވަނީ ކޮށްދީފަ އެވެ.