30 ޑިސެމްބަރ 2017 - 11:57
މާދަމާއަކީ ސަރުކާރު ބަންދު ދުވަހެއް ކަމަށް ހަމަޖެއްސުމާ ގުޅިގެން މާލޭ ކޮމާޝަލް ހާބަރު ވެސް މާދަމާ ބަންދުވާނެ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބުނެފި އެވެ.
މާލޭގެ ވިޔަފާރި ބަނދަރު ހިންގާ ކުންފުނިން ނެރުނު ދެންނެވުމެއްގައި ބުނީ މާދަމާ ހެނދުނު 7:30 އިން ފެށިގެން ބަނދަރުގެ މަސައްކަތް މެދުކަނޑާލާނެ ކަމަށެވެ. އަލުން ހިދުމަތް ފަށާނީ ހޯމަ ދުވަހު ހެނދުނު 7:30 ގައި ކަމަށް އެމްޕީއެލް އިން ބުނެފައިވެ އެވެ.
މިދިޔަ އަހަރުގެ ޑިސެމްބަރު 31 ގައި ވެސް މާލޭ ވިޔަފާރި ބަނދަރުގެ މަސައްކަތްތައް މެދުކަނޑާލި އެވެ.