22 ޑިސެމްބަރ 2017 - 07:14
މިދިޔަ ހޮނިހިރު ދުވަހުގެ ރޭ ޒީ ސިނެ އެވޯޑް ހަފުލާ އަށް ފަހު އެންމެ ގިނަ ބަޔަކު ދައްކަނީ ޕްރިޔަންކާ ޗޯޕްރާގެ ޕާފޯމަންސްގެ ރީތިކަމުގެ ވާހަކަ އެެވެ. މިއީ ދެ އަހަރު ދުވަހުގެ މެދުކެނޑުމަކަށް ފަހު ޕްރިޔަންކާ ޕާފޯމް ކުރި ފުރަތަމަ ފަހަރެވެ.
ޝާހްރުކް ޚާން ވެސް މި ޝޯގައި ބައިވެރިވި އެވެ. ނަމަވެސް ވަރަށް ކުޑަ އިރުކޮޅަކު މަޑުކޮށްލުމަށް ފަހު އޭނާ ދިޔައީ އެވެ. ޝާހްރުކް މިގޮތަށް ކަންތައް ކުރި ސަބަބެއް ނޭނގެ އެވެ. ޔަގީންވަނީ ފަހަކަށް އައިސް ޕްރިޔަންކާއާ ބައްދަލު ނުވޭތޯ ޝާހްރުކް މަސައްކަތް ކުރާ ކަމެވެ. މި އަހަރު އޮތް އެހެން އިވެންޓަކަށް ވެސް ޝާހްރުކް ދިޔައީ ޕްރިޔަންކާއާ ތަފާތު ގަޑިއެއްގަ އެވެ.
ޒީ ސިނެ އެވޯޑުގައި ވެސް ޝާހްރުކް ކަންތައް ކޮށްފައި މިވަނީ ހަމަ އެހެންނެވެ. ޝާހްރުކް އެތަނަށް ވަނީ ޕާފޯމް ކުރާ ތަރިން ވަންނަން ޚާއްސަކޮށްފައިވާ ދޮރަކުންނެވެ. ޕާފޯމްކުރާ އެކްޓަރުންގެ ވޭންތައް އޮތީ އެތާ ބޭރުގަ އެވެ. ޕްރިޔަންކާ އެތަނަށް އައިއިރު ވެސް ޝާހްރުކް ހިނގައްޖެ އެވެ.
ޕްރިޔަންކާގެ ފިލްމީ ކެރިއަރަށް ބަލާއިރު މިހާރު ވެސް ގިނަ ފުރުސަތުތަކެއް ލިބެމުން ދިޔަ ނަމަވެސް ޕްރިޔަންކާ އަދި އެއްވެސް ފިލްމެއް ކުޅޭކަށް ސޮއެއް ނުކުރެ އެވެ.