05 ޖުލައި 2016 - 13:31
ރިޔާޒް (ޖުލައި 5) - ގަލްފުގެ ގައުމުތަކާއި ޔަމަނަށް ވެސް މި އަހަރުގެ ފިތުރު އީދު ވާނީ ބުދަ ދުވަހު ކަމަށް އެ ގައުމުތަކުން އިއުލާންކޮށްފި އެވެ.
އެ ގައުމުތަކުގެ ދީނީ މުވައްސަސާތަކުން ބުނީ މިއިން އެއްވެސް ގައުމަކަށް ހޯމަ ދުވަހުގެ ރޭ ހަނދު ފެނިފައި ނުވާ ކަމަށެވެ. އެހެންކަމުން މި އަހަރުގެ ރޯދަ މަހުގެ ފަހު ދުވަހަކީ އަންގާރަ ދުވަސް ކަމަށް ވެސް ވަނީ ކަނޑައަޅައިފަ އެވެ.
ސައުދީ އަރަބިއާ، ގަތަރު، ޔުނައިޓެޑް އަރަބި އެމިރޭޓްސް، ބަހުރޭން، ކުވޭތު، އަދި ޔަމަނުގެ ރަސްމީ ނޫސް އެޖެންސީތަކުން ބުނެފައި ވަނީ އީދުގެ އުފާ ފާޅު ކުރަން ފަށާނީ ދުވަހު ކަމަށެވެ.
ބައެއް ގައުމުތަކުގައި މިއަދު ވަނީ އީދު ފާހަގަ ކުރަން ފަށައިފަ އެވެ. ރަޝިޔާގެ މުސްލިމުންނަށް މިއަދު އީދުވި އިރު ކިރްގިސްތާނުގައި ވެސް މިއަދު ވަނީ އީދު ފާހަގަ ކުރަން ފަށައިފަ އެވެ.