02 ޖުލައި 2016 - 08:08
އެންޑްއިޑް މާޝްމެލޯ އަށް ފަހު އެންޑްރޮއިޑަށް އިތުރުވި ބޮޅަކީ އެންޑްރޮއިޑް "އެން" އެވެ. އެއީ މިހާރު އެންޑްރޮއިޑް "ނޫގެޓް" އެވެ. ނޯގަޓް، ނޫގާ އަދި ނަގެޓް ވެސް ކިޔަ އެވެ. އެންޑްރޮއިޑް އުފައްދަނީ ގޫގުލުން ނެވެ. ގޫގުލް އަކީ އެމެރިކާ ކުންފުންޏެކެވެ. އެމެރިކާ މީހުން ކިޔަނީ ނޫގެޓް އެވެ.
އެންޑްރޮއިޑް އެން އަށް ކިޔާނެ ނަމަކާ މެދު ގިނަ ބަހުސްތަކެއް ހިނގި އެވެ. އެންޑްރޮއިޑް އެން އަށް ނަން ހުށަހެޅުމުގެ ފުރުސަތު އާންމުކޮށް ހުޅުވައިލި އެވެ. ޖޫން މަހު އޮތް ގޫގުލްގެ އައިއޯ ސަމިޓްގައި އެންޑްރޮއިޑް އެން އަށް ކިޔަން ބޭނުން ނަމެއް ކޮންމެ މީހަކަށް ވެސް ހުށަހެޅިދާނެ ކަމަށް ވެސް ކުންފުނީގެ އޮފިޝަލުން ބުންނެވެ.
އެންޑްރޮއިޑް "އެން" އަށް ފުރިހަމަ ނަމެއް މި އޮތީ ކިޔާފަ އެވެ. ދެން އޮތީ އާންމު ޑައުންލޯޑަށް ނުވަތަ ފޯނުތަކަށް އެ އަޕްޑޭޓް އަންނާނެ ވަގުތަކަށް އުންމީދުކުރުމެވެ.
އެންޑްރޮއިޑް މާޝްމެލޯ އަކީ އެންޑްރޮއިޑް 6.0 ނަމަވެސް އެންޑްރޮއިޑް ނޫގެޓް އަކީ އަދި ކޮން އަދަދެއް ކަމެއް ނޭނގެ އެވެ. އެއީ އެންޑްރޮއިޑް 6.1 ނުވަތަ 7.0 އަށް ވެސް ވެދާނެ އެވެ.
އެންޑްރޮއިޑް ނޫގެޓް އަށް ގެނެސްފައި ހުރި ކުރިއެތުންތަކަށް ބަލާއިރު އަދި ބުނެވެނީ މާޝްމެލޯ އަށް ވުރެ ސާދާ ވާނެ ކަމަށެވެ. ހިނގުން އަވަސްވާނެ ކަމަށެވެ. އަދި ތުއިވާނެ ކަމަށެވެ. މި ވީޑިއޯ ބަލާލާށެވެ. އިތުރު އެއްޗެއް އެނގިދާނެ އެވެ.