10 ސެޕްޓެމްބަރ 2017 - 14:12
ގުދުސް (ސެޕްޓެމްބަރު 10) - ޚިޔާނާތުގެ ތުހުމަތުތަކެއްގައި އިޒްރޭލުގެ ބޮޑު ވަޒީރު ބެންޖަމިން ނަތަންޔާހޫގެ އަނބިކަނބަލުން ސާރާ ނަތަންޔާހޫގެ މައްޗަށް ދައުވާ ކުރަން ވިސްނަވާ ކަމަށް އެ ގައުމުގެ ޕްރޮސެކިއުޓާ ޖެނެރަލް ވިދާޅުވެއްޖެ އެވެ.
ޖަސްޓިސް މިނިސްޓްރީން ބުނީ ސާރާ ވަނީ ގޭގެ ކޭޓަރިން ޚަރަދަށް ސަރުކާރުގެ ފައިސާ އިން 359،000 ޝެކެލްސް (100،000 ޑޮލަރު) ގަވާއިދާޚިލާފަށް ބޭނުންކޮށްފައިވާ ކަމަށެވެ. ބޮޑު ވަޒީރު ނަތަންޔާހޫ ވިދާޅުވެފައި ވަނީ އޭނާގެ އަނބިކަނބަލުންނާ ދެކޮޅަށް އުފުލާފައި ވަނީ ތާކުންތާކު ނުޖެހޭ މައްސަލައެއް ކަމަށެވެ.
ސާރާގެ މައްޗަށް ތުހުމަތުކޮށްފައި ވަނީ ނަތަންޔާހޫގެ ރަސްމީ ގެކޮޅުގެ ފަރިއްކޮޅުގެ ކަންތަކަށް މާބޮޑަށް ހޭދަކޮށްފައިވާ ކަމަށެވެ. ބޭރުން ކާއެއްޗެހި ތައްޔާރު ކުރުމަށާއި ބޮޑު ވަޒީރުގެ ރަސްމީ ގެކޮޅުގައި ކައްކާ އިން ތިބޭ އިރު ވެސް ޕްރޮފެޝަނަލް ކައްކާ އިން ހަޔާކުރި ކަމަށް ޕްރޮސެކިއުޓަރުން ބުނެ އެވެ. މި ދެ ކަމަށް ވެސް ސަރުކާރުގެ ބަޖެޓުން ހޭދަކުރުން ހުއްދައެއް ނޫނެވެ.