25 ޖުލައި 2017 - 13:25
އައްމާން (ޖުލައި 25) - ޖޯޑަންގައި ހުންނަ އިޒްރޭލް އެމްބަސީގެ މުވައްޒަފުން އަނބުރާ ގެންގޮސްފި އެވެ.
އިޒްރޭލް ސަރުކާރުން ނެރުނު ބަޔާނެއްގައި ބުނީ ޑިޕްލޮމެޓުންގެ ރައްކަލަކަށްޓަކައި ޖޯޑަން އެމްބަސީގެ ސްޓާފުން އަނބުރާ ގެންދިޔައީ އެމްބަސީގައި ދިން ހަމަލާއާ ގުޅިގެން ކަމަށެވެ. އެ ހަމަލާގައި ޖޯޑަންގެ ދެ މީހަކު ވަނީ މަރުވެފަ އެވެ. އިޒްރޭލުން ބުނީ ޑިޕްލޮމެޓިކް އެއްވެސް މުވައްޒަފަކަށް ގެއްލުމެއް ނުލިބޭ ކަމަށެވެ.
ބޮޑު ވަޒީރު ބެންޖަމިން ނަތަންޔާހޫ ވަނީ ޖޯޑަންގައި ހުންނަ ސަފީރަށް ގުޅުއްވާ ހަމަލާ ދިން ވަގުތު ކަންތައް ކުރެއްވިލެއް ފުރިހަމަ ކަމަށް މަރުހަބާ ވިދާޅުވެފަ އެވެ.
އިޒްރޭލުގެ ފޮރިން މިނިސްޓްރީން ބުނީ އައްމާނުގައި ހުންނަ އެމްބަސީގެ ސެކިއުރިޓީ ގާޑަކަށް ވަނީ ޖޯޑަން މީހަކު އިސްކުރު އަނބުރާ ކަށިގަނޑަކުން ހަމަލާދީފައި ކަމަށެވެ. ދެ ވަނަ މީހާ މަރުވީ ބަޑީގެ ހަމަލާތަކެއްގަ އެވެ. މި ދެ މީހުން ވެސް އެމްބަސީ އަށް ދިޔައީ ފަރުނީޗަރު މަސައްކަތެއް ކުރުމަށެވެ.
މި ހާދިސާ ހިންގާފައި މި ވަނީ އަގްސާ މިސްކިތުގައި އިޒްރޭލުން މެޓަލް ޑިޓެކްޓަރު ހަރުކުރި މައްސަލާގައި ފަލަސްތީނުގެ އެކި ހިސާބުތަކުގައި ހަމަނުޖެހުން ބޮޑުވެފައި ވަނިކޮށެވެ. މިދިޔަ ހުކުރު ދުވަހު ވަނީ ޖޯޑަންގައި އިޒްރޭލުގެ އަމަލުތައް ކުށްވެރިކޮށް އަޑު އުފުލައިފަ އެވެ.
އިރުމަތީ ގުދުސް 1949 އިން 1967 އަށް ބެލެހެއްޓި ޖޯޑަން އަކީ ހަރަމް އަލް ޝަރީފުގެ ކަންކަން ބަލަހައްޓާ ފަރާތެވެ.