16 ޖޫން 2017 - 22:57
ޕޮލިސް ކޮންސްޓަބްލްގެ ވަޒީފާއަށް ކުރިމަތިލާން ހުޅުވާލައިފި އެވެ.
ޕޮލިސް ވެބްސައިޓުގައި ބުނެފައިވާގޮތުގައި 18-25 އަހަރާ ދެމެދުގެ ޒުވާނުންނަށް މިއަންނަ މަހުގެ 31 ވަނަ ދުވަހާ ހަމައަށް ވަޒީފާއަށް ކުރިމަތިލެވޭނެ ކަމަށެވެ.
ވަޒީފާއަށް އެދޭ ފޯމް ޝަހީދު ހުސެއިން އާދަމް ބިލްޑިން އަދި ފުލުހުންގެ ވެބްސައިޓް www.police.gov.mv އިން ވެސް ލިބޭނެ ކަމަށް ބުންޏެވެ.
ވަޒީފާއަށް ކުރިމަތިލާ މީހަކީ ޖީސީއީ އޯ ލެެވެލް އިމްތިހާންގެ ތިން މާއްދާއިން ދަށްވެގެން ސީ ފާސް ނުވަތަ މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) ގަބޫލުކުރާ ލެވެލް ތިނެއްގެ ކޯހެއް ފުރިހަމަކޮށް ނުވަތަ އެއަށްވުރެ މަތީ ސަނަދެއް ހާސިލްކޮށްފައިވާ މީހަކަށް ވާންޖެހޭ ކަމަށް ފުލުހުން ބުންޏެވެ.
ފުލުހުންގެ ވަޒީފާއަށް މީހުން ހޮވުމުގައި ޖީސީއީ އޭ ލެވެލް ފުރިހަމަކޮށްފައިވާ މީހުންނަށާއި ފުލުހުންގެ މުއައްސަސާއަށް ބޭނުންތެރި ދާއިރާއަކުން ކޯސް ފުރިހަމަކޮށްފައިވާ މީހުންނަށް އިސްކަންދެވޭނެ ކަމަށް ވެސް ބުންޏެވެ.