އައްޑޫ ސިޓީ ކައުންސިލަކީ ސިޔާސީ ނުފޫޒުން އެއްކިބާވެފައިވާ އަދި އިހުތިރާމް ލިބިގެންވާ
މުއައްސަސާއަކަށް ވާންޖެހޭނެ ކަމަށް، އައްޑޫ
ސިޓީގެ މޭޔަރު ކަމަށް ވާދަކުރައްވާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ކެންޑިޑޭޓް މުޝްރިފް އަލީ ވިދާޅުވެއްޖެ އެވެ.
އައްޑޫގެ މޭޔަރު
ހޮވުމަށް ބާއްވާ އިންތިހާބުގެ ފޯރިގަދަވެފައިވާ މި ދަނޑިވަޅުގައި، ވޯޓުލާ މީހުންގެ މެދުގައި އުފެދިފައިވާ
އެންމެ ބޮޑު އެއް ކަންބޮޑުވުމަކީ،
ސިޔާސީ ނުފޫޒުން އެއްކިބާވެ އޮތް ތަނެއްގެ ގޮތުގައި ކައުންސިލް ހިންގިދާނެތޯ އުފެދޭ ސުވާލެވެ.
ސަރުކާރު ހިންގާ
ޕީއެންސީގެ ޓިކެޓުގައި
ވާދަކުރައްވާ މުޝްރިފް ވަނީ މިކަމަށް ސީދާ ރައްދު ދެއްވައި، އައްޑޫ ސިޓީ ކައުންސިލަކީ ސިޔާސީ ކުޅިބަޔަކަށް ވުމުގެ
ބަދަލުގައި، ގާނޫނީ ހަމަތަކުގެ މަތިން
ހިންގާ ވަރުގަދަ މުއައްސަސާއަކަށް ވާންޖެހޭނެ ކަމަށް ބާރު އަޅުއްވައިފަ އެވެ.
"ކައުންސިލަކީ އައްޑޫގެ
ރައްޔިތުންގެ ތަނެއް. އެއީ މުއައްސަސާއެއްގެ ގޮތުގައި އިހުތިރާމް ލިބިގެންވާ ތަނަކަށް ވާންޖެހޭ،"
މުޝްރިފް ވިދާޅުވި އެވެ.
"ކައުންސިލްގެ ނިންމުންތައް ނިންމާނީ އެއްވެސް ސިޔާސީ ނުފޫޒެއް ނެތި، ގާނޫނުތަކާއި ދައުލަތުގެ މާލިއްޔަތު
ގަވާއިދުތަކާއި ހާމަކަން ބޮޑު
އުސޫލުތަކުގެ މައްޗަށް ބިނާކޮށް."
މުޝްރިފް، އައްޑޫގެ އުމުރުން ދުވަސްވީ މީހަކާ އެކު.
އެ މައްސަލައަކީ މި
އިންތިގާބުގެ ފަލްސަފާގައި ވަރަށް ބޮޑު ބައެއް ހިއްސާކުރާ ކަމެކެވެ.
މިހާރުގެ މޭޔަރު، އެމްޑީޕީގެ ޢަލީ
ނިޒާރަށް ހިންގުމުގެ ދާއިރާއިން
ފާޑުކިޔުންތައް އަމާޒުވަމުން ދާއިރު، ރައީސް ޑރ. މުޙައްމަދު މުޢިއްޒުގެ ސަރުކާރުގެ ތާއީދު އޮތް ކެންޑިޑޭޓަކު ހޮވުމާ މެދު ބައެއް މީހުންގެ މެދުގައި ވަނީ ހިޔާލު ތަފާތުވުންތަކެއް
އުފެދިފަ އެވެ.
ނަމަވެސް، މުޝްރިފްގެ
މަސައްކަތްތަކާއި އޭނާގެ މިޒާޖު ދަންނަ މީހުން އޭނާ ސިފަކުރަނީ މުޅިން ތަފާތު ގޮތަކަށެވެ. އޭނާއާ އެކު މަސައްކަތްކޮށްފައިވާ ފަރާތްތަކުން ބުނާ ގޮތުގައި،
މުޝްރިފަކީ ސިޔާސީ ފިކުރަށްވުރެ ބޮޑަށް އަހުލާގީ މިންގަނޑުތަކަށާއި ތަރުތީބުވެފައިވާ ހިންގުމުގެ ނިޒާމަށް އިސްކަންދޭ، ނަޒާހަތްތެރި
ޝަހުސިއްޔަތެކެވެ.
"މީހުން ފަހަރެއްގައި ފުރަތަމަ
ބަލާނީ ނިސްބަތްވާ ޕާޓީއަށް ވެދާނެ، އެކަމަކު އޭނާ ދަންނަ މީހުން އޭނާއަކީ ކޮރަޕްޝަނާ އެއްވެސް ގުޅުމެއް އޮތް މީހެއް ކަމަކަށް ގަބޫލެއް ނުކުރާނެ،" އައްޑޫގެ
ރައްޔިތަކު ބުންޏެވެ.
ލޯކަލް ކައުންސިލްތަކުގެ އިންތިހާބުގެ ވޯޓުލުން އަންނަ ހޮނިހިރު ދުވަހު ބާއްވާއިރު، މި އިންތިހާބު މިހާރު ބަދަލުވަމުންދަނީ ހަމައެކަނި ސިޔާސީ ޕާޓީތަކެއްގެ މެދުގައި އޮތް
ވާދަވެރިކަމަކަށް ވުރެ ބޮޑަށް، ކައުންސިލަކީ
ނަޒާހަތްތެރިކަމާ އެކު ހިންގާނެ ތަނަކަށް ހެދުމާއި އެ މުއައްސަސާގެ ހައިބަތު ދެމެހެއްޓޭނެތޯ ކުރެވޭ މުހިންމު
އިމްތިހާނަކަށެވެ.
މުޝްރިފްގެ މި
ވިސްނުމަކީ އައްޑޫގެ މުސްތަގުބަލަށްޓަކައި ރައްޔިތުންނަށް ދެއްވާ މުހިންމު ޔަގީންކަމެއްގެ ގޮތުގައި ގިނަ ބަޔަކު ދެކެ އެވެ.